‘ഒരു യന്തിര മനുഷ്യന്‍ ആയി മാറുമായിരുന്ന എന്നെ യഥാര്‍ത്ഥ മനിതനാക്കി രക്ഷിച്ചിരിക്കുന്നു’ തിരിച്ച് വരവ് ആഘോഷമാക്കി നടന്‍ ശ്രീനിവാസന്‍

കുറച്ച് മാസങ്ങളായി നിര്‍ജീവമായിരുന്ന ഫേസ്ബുക്ക് തിരിച്ചു പിടിച്ചുവെന്നും, പച്ച മനുഷ്യനായി ജനങ്ങള്‍ക്കിടയില്‍ ഉണ്ടാകുമെന്നും പ്രഖ്യാപിച്ച് നടനും സംവിധായകനുമായ ശ്രീനിവാസന്‍
യന്ത്രമനുഷ്യനാണെന്ന് കരുതി ഫേസ്ബുക്ക് തന്റെ അക്കൗണ്ട് ബ്ലോക് ചെയ്തുവെന്നും, മാസങ്ങള്‍ക്ക് ശേഷം അതു തിരിച്ചു കിട്ടിയെന്നും ശ്രീനിവാസന്‍ പറയുന്നു. ‘ഒരു യന്തിര മനുഷ്യന്‍ ആയി മാറുമായിരുന്ന എന്നെ യഥാര്‍ത്ഥ മനിതനാക്കി രക്ഷിച്ചിരിക്കുന്നു. ഇനിമുതല്‍ ഒരു പച്ച മനുഷ്യനായി ഞാന്‍ നിങ്ങള്‍ക്കിടയില്‍ ഉണ്ടായിരിക്കും’.-ശ്രീനിവാസന്‍ പറഞ്ഞു.

വെറുമൊരു മനുഷ്യനായ എന്നെ യന്ത്രമനുഷ്യനായി തെറ്റുധരിച്ചില്ലേ ?
ഒറിജിനല്‍ ഫേസ്ബുക്ക് അക്കൗണ്ട് തുടങ്ങിയതിനു ശേഷം ഞൊടിയിടയില്‍ ഉണ്ടായ സുഹൃത്തുക്കളുടെ ബാഹുല്യം കണ്ടു ഫേസ്ബുക് എന്നെ യന്ത്രമനുഷ്യനായി തെറ്റിദ്ധരിച്ചു ബ്ലോക് ചെയ്തുകളഞ്ഞു!
അതുകൊണ്ടു കുറച്ചു മാസങ്ങളായി എനിക്ക് ഫേസ്ബുക് അക്കൗണ്ട് ഉപയോഗിക്കാന്‍ കഴിഞ്ഞിരുന്നില്ല.
ഫെയ്ക്കന്‍മാരും ഫേസ്ബുക്കും തമ്മില്‍ ഒരു അന്തര്‍ധാര സജീവമല്ലേ എന്നും ഞാന്‍ സംശയിക്കുന്നു.
എന്തായാലും മകന്‍ വിനീതിന്റെ സുഹൃത്തും, ഫേസ്ബുക് തൊഴിലാളിയും, നടനുമായ ജിനു ബെന്‍ അതി സാഹസികമായി ഒരു യന്തിര മനുഷ്യന്‍ ആയി മാറുമായിരുന്ന എന്നെ യഥാര്‍ത്ഥ മനിതനാക്കി രക്ഷിച്ചിരിക്കുന്നു.
ഇനിമുതല്‍ ഒരു പച്ച മനുഷ്യനായി ഞാന്‍ നിങ്ങള്‍ക്കിടയില്‍ ഉണ്ടായിരിക്കും.

https://www.facebook.com/sreenivasan.pattiam/posts/227655845298327