ഡല്‍ഹി: നിര്‍ഭയ കേസിലെ പ്രതികളുടെ വധശിക്ഷ നടപ്പാക്കുന്നതിനായി ആരാച്ചാര്‍ പവന്‍കുമാര്‍ തിഹാര്‍ ജയിലില്‍ എത്തി. തിഹാര്‍ ജയിലില്‍ ഇതിനായുള്ള ഒരുക്കങ്ങള്‍ ആരംഭിച്ചു. നാളെ വധശിക്ഷയുടെ ഡമ്മി പരീക്ഷണം നടത്തും. വെള്ളിയാഴച് രാവിലെയാണ് കുറ്റവാളികളുടെ വധശിക്ഷ നടപ്പാക്കുന്നത്.
അതേസമയം വധശിക്ഷ ഒഴിവാക്കണമെന്ന് ആവശ്യപ്പെട്ട് പ്രതികളില്‍ ഒരാളായ മുകേഷ് സിങ് സമര്‍പ്പിച്ച ഹര്‍ജികള്‍ കോടതി ഇന്ന് തള്ളി. വിചാര കോടതിയായ ഡല്‍ഹി പട്യാല കോടതിയിലും അഡീഷ്ണര്‍ സെക്ഷന്‍സ് കോടതിയിലും സമര്‍പ്പിച്ച ഹര്‍ജികളാണ് തള്ളിയത്. കൂട്ട ബലാത്സംഗ നടക്കുന്ന സമയം ഡല്‍ഹിയില്‍ ഉണ്ടായിരുന്നില്ല എന്ന് വാദിച്ചാണ പട്യാല കോടതിയില്‍ ഹര്‍ജി നല്‍കിയത്.
സംസ്ഥാന സര്‍ക്കാര്‍ വിചാരണ കോടതിയില്‍ സുപ്രധാനമായ രേഖകള്‍ മറച്ചുവെച്ചെന്നും ഇതുവഴി വധശിക്ഷ നടപ്പാക്കാനുള്ള ഉത്തരവ് നേടിയെടുക്കുകയാണ് ചെയ്തത് എന്നുമായിരുന്നു അഡീഷ്ണല്‍ സെക്ഷന്‍സ് കോടതിയില്‍ സമര്‍പ്പിച്ച ഹര്‍ജിയിലെ വാദം.
ഇരു ഹര്‍ജികളും തള്ളിയതിനെതിരെ മുകേഷ് സിംഗ് ഹൈക്കോടതിയെ സമീപിച്ചിരുന്നു. വെള്ളിയാഴ്ചയാണ് വധശിക്ഷ നടപ്പാക്കുന്നത്. വധശിക്ഷ നടപ്പാക്കാതിരിക്കാന്‍ പ്രതികള്‍ അന്താരാഷ്ട്ര കോടതിയെ കഴിഞ്ഞ ദിവസം സമീപിച്ചിരുന്നു.
Discussion about this post