നിർഭയ കൂട്ടബലാൽസംഗ കേസിലെ പ്രതി പവൻ ഗുപ്തയുടെ ഹർജി സുപ്രീംകോടതി തള്ളി. കുറ്റകൃത്യം നടക്കുന്ന സമയത്ത് തനിക്ക് പ്രായപൂർത്തിയായിരുന്നില്ല എന്നു കാണിച്ചു പ്രതി സമർപ്പിച്ച ഹർജിയാണ് കോടതി തള്ളിയത്.
ജസ്റ്റിസ് എൻ.വി രമണയുടെ നേതൃത്വത്തിലുള്ള ആറംഗ ബഞ്ചാണ് ഹർജി തള്ളിയത്.കഴിഞ്ഞ വർഷം ഡിസംബർ 19ന് ഇതേ കാരണം കാണിച്ച് പ്രതി സമർപ്പിച്ച ഹർജി,ഡൽഹി ഹൈക്കോടതിയും തള്ളിയിരുന്നു. ഇതിനു ശേഷമാണ് പ്രതി സുപ്രീംകോടതിയിലേക്ക് നീങ്ങിയത്.എന്നാൽ, ഇക്കഴിഞ്ഞ ജനുവരി 20 ന് ജസ്റ്റിസ് ആർ. ഭാനുമതിയുടെ നേതൃത്വത്തിലുള്ള ബെഞ്ച് സുപ്രീംകോടതിയിലും പവൻ ഗുപ്തയുടെ വാദഗതികൾ തള്ളുകയായിരുന്നു.
പ്രായപൂർത്തിയായില്ലെന്ന വാദം എപ്പോൾ വേണമെങ്കിലും ഉന്നയിക്കാവുന്നതാണെന്നും എന്നാൽ, ഒരു വട്ടം ആ വാദഗതി തള്ളിക്കഴിഞ്ഞാൽ, രണ്ടാമത് ഉന്നയിക്കുന്നത് നിഷ്ഫലമാണെന്നും സുപ്രീം കോടതി പ്രസ്താവിച്ചു.
Discussion about this post