അവശ്യ വസ്തുക്കളുടെ ലഭ്യത ഉറപ്പു വരുത്തണമെന്ന് എല്ലാ സംസ്ഥാനങ്ങൾക്കും നിർദേശം കൊടുത്ത് കേന്ദ്ര ആഭ്യന്തരമന്ത്രാലയം.ലോക്ഡൗൺ കാലഘട്ടത്തിൽ ഒരാൾക്കും അവശ്യവസ്തുക്കൾ കിട്ടാതെ വരരുതെന്നും, അവയുടെ ലഭ്യത ഉറപ്പു വരുത്തണമെന്നും കേന്ദ്ര ആഭ്യന്തരമന്ത്രാലയം എല്ലാ സംസ്ഥാന സർക്കാരുകളോട് ആവശ്യപ്പെട്ടു.
കേന്ദ്ര ഹോം സെക്രട്ടറി അജയ് ഭല്ല എല്ലാ സംസ്ഥാനങ്ങളിലെയും ചീഫ് സെക്രട്ടറിമാർക്ക് ഈ നിർദേശം നൽകിയിട്ടുണ്ട്.അവശ്യ വസ്തുക്കൾ വിതരണം ചെയ്യുന്ന ജീവനക്കാരുടെയും തൊഴിലാളികളുടെയും കാര്യക്ഷമതയും ഫലപ്രാപ്തിയും ഉറപ്പുവരുത്താൻ 24*7 പ്രവർത്തിക്കുന്ന കൺട്രോൾ റൂമുകൾ തുറക്കാനും കർശന നിർദേശമുണ്ട്.ജനങ്ങളുടെ പരാതികൾ ഇവിടെ അറിയിക്കാനും, ഇതിലൂടെ ലോക്ഡൗൺ കാലഘട്ടത്തിൽ ജനങ്ങൾ അനുഭവവിക്കുന്ന പ്രശ്നങ്ങൾ ഇല്ലാതാക്കാനുമാണ് കേന്ദ്ര സർക്കാരിന്റെ ഉദ്ദേശം. ചരക്ക് വിതരണശൃംഖല തടസ്സമില്ലാതെ പ്രവർത്തിക്കണം, ആവശ്യക്കാരുടെ കൈകളിൽ യഥാസമയത്ത് എത്തിച്ചേരുന്നുണ്ടെന്ന് ഉറപ്പുവരുത്തുകയും വേണമെന്ന് ഭല്ല നിർദ്ദേശിച്ചു. കാലിത്തീറ്റയുടെ അന്തർസംസ്ഥാന ചരക്കുനീക്കം, ചില സർക്കാറുകൾ അനുവദിക്കുന്നില്ലെന്ന് പരാതി കിട്ടിയിട്ടുണ്ട്.കാലിത്തീറ്റ, തീർച്ചയായും അവശ്യവസ്തുക്കളുടെ ഗണത്തിൽ പെടുമെന്നും ഭല്ല കൂട്ടിച്ചേർത്തു
Discussion about this post