ലോക്ഡൗണിൽ തെരുവിലിറങ്ങുന്ന ആളുകളെ ബോധവൽക്കരിക്കാൻ പോലീസുകാരുടെ കലാപരമായ നടപടി ജനശ്രദ്ധയാകർഷിക്കുന്നു. ചെന്നൈയിലെ പോലീസുകാരാണ് കൊറോണ ഹെൽമറ്റ് എന്ന നൂതന ആശയവുമായി രംഗത്ത് വന്നിരിക്കുന്നത്. കൊറോണാ വൈറസിനെ രൂപത്തിലുള്ള ഹെൽമറ്റ് ധരിച്ചാണ് തെരുവിലിറങ്ങുന്ന യാത്രക്കാരെ പോലീസുകാർ ബോധവൽക്കരിക്കുന്നത്. ഗൗതം എന്ന കലാകാരനെ ആശയമാണ് ഈ ഹെൽമറ്റെന്ന് വാർത്താ ഏജൻസിയായ എ.എൻ.ഐ റിപ്പോർട്ട് ചെയ്തിട്ടുണ്ട്.
“പലരും കാര്യത്തിന്റെ ഗൗരവം മനസ്സിലാക്കിയിട്ടില്ലെന്നും, ലോക്ഡൗൺ ഗൗരവമായി എടുത്തിട്ടില്ലെന്നും ഉറപ്പാണ്. അതിനുദാഹരണമാണ് എപ്പോഴും റോഡിൽ കാണുന്നവർ. അതുകൊണ്ടാണ് ഈ ഒരു ആശയവുമായി ഞാൻ മുന്നിട്ടിറങ്ങിയത് കേടായ ഹെൽമറ്റും പേപ്പറും കൊണ്ടാണ് ഇത് നിർമ്മിച്ചിരിക്കുന്നത്” എന്നാണ് ഗൗതം വെളിപ്പെടുത്തിയത്.ഹെൽമെറ്റ് കാണുമ്പോൾ കുട്ടികളാണ് ഏറ്റവും നന്നായി പ്രതികരിക്കുന്നത്. അവർ രക്ഷിതാക്കളോട് തിരികെ വീട്ടിൽ പോകണമെന്ന് ആവശ്യപ്പെടുന്നുണ്ടെന്ന് ചെന്നൈ പോലീസ് ഇൻസ്പെക്ടർ രാജേഷ് ബാബു പറയുന്നു.
Discussion about this post