മഹാരാഷ്‌ട്ര: നിസാമുദ്ദീന്‍ സമ്മേളനത്തില്‍ പങ്കെടുത്ത വിദേശ പൗരന്മാരെ ഒളിപ്പിച്ച കേസില്‍ രണ്ട് പളളി മേധാവികള്‍ അറസ്റ്റില്‍. കൊറോണ വൈറസ് വ്യാപിക്കുന്ന സാഹചര്യത്തില്‍ ഒത്തുചേരലുകളും മതസമ്മേളനങ്ങളും വിലക്കി സര്‍ക്കാര്‍ ഇറക്കിയ ഉത്തരവ് ലംഘിച്ചാണ് നിസാമുദ്ദീനില്‍ മതസമ്മേളനം നടത്തിയത്.
വിവിധ രാജ്യങ്ങളില്‍ നിന്നും ഇന്ത്യയിലെ വിവിധ സംസ്ഥാനങ്ങളില്‍ നിന്നുമായി നിരവധി പേരാണ് ഡല്‍ഹിയില്‍ നടന്ന സമ്മേളനത്തില്‍ പങ്കെടുത്തത്. ഇതില്‍ ഉള്‍പ്പെട്ട 10 വിദേശ പൗരന്മാരെ ഒളിപ്പിച്ചതിനാണ് മഹാരാഷ്‌ട്ര പോലീസ് രണ്ട് പളളി മേധാവികളെ അറസ്റ്റ് ചെയ്തത്.
നിസാമുദ്ദീന്‍ സമ്മേളനത്തില്‍ പങ്കെടുത്ത 10 വിദേശ പൗരന്മാര്‍ പളളിക്ക് അകത്ത് ഉണ്ടെന്ന വിവരം ലഭിച്ചതിന്‍റെ അടിസ്ഥാനത്തിലാണ് പളളിയില്‍ പരിശോധന നടത്തിയതെന്നും, തുടര്‍ന്ന് നിസാമുദ്ദീന്‍ സമ്മേളനത്തില്‍ പങ്കെടുത്ത 10 പേരെ പളളിക്ക് ഉളളില്‍ നിന്നും കണ്ടെത്തിയെന്നും അഹമദ്ദ് നഗര്‍ എസ് പി സാഗര്‍ പട്ടേല്‍ പറഞ്ഞു. ഇവരെ ഒളിപ്പിച്ചു വച്ചതിനാണ് പളളി മേധാവികള്‍ക്ക് എതിരെ പോലീസ് കേസെടുത്തത്.
അതേസമയം കേരളത്തില്‍ നിന്നും നിസാമുദീന്‍ സമ്മേളനത്തില്‍ പങ്കെടുത്ത 310 പേരെ തിരിച്ചറിഞ്ഞു. ഇതിന്‍റെ കൃത്യമായ കണക്കെടുക്കെടുത്ത് വരികയാണ് അധികൃതര്‍.
Discussion about this post