നിസാമുദ്ദീന് മതസമ്മേളനം കൊറാണാ വ്യാപനത്തിന്റെ പ്രധാന കേന്ദ്രമായി മാറിയതോടെ സുരക്ഷ പ്രവര്ത്തനം ശക്തമാക്കി കേന്ദ്രസര്ക്കാര്. നിസാമുദ്ദിന് രക്ഷാ പ്രവര്ത്തനത്തിന്റെ നിരീക്ഷണ ചുമതല കേന്ദ്രസര്ക്കാര് ദേശീയ സുരക്ഷാ ഉപദേഷ്ടാവ് അജിത് ഡോവലിന് കൈമാറി. മര്ക്കസ് സംഘടിപ്പിച്ച മതസമ്മേളനത്തില് പങ്കെടുത്തവരെ കണ്ടെത്തുന്നതുള്പ്പടെയുള്ള പ്രവര്ത്തനങ്ങള്ക്ക് അജിത് ഡോവല് നേതൃത്വം നല്കും.
എണ്ണായിരത്തോളം പേര് മതസമ്മേളനത്തില് പങ്കെടുത്തിരുന്നു. സമ്മേളനത്തില് ഇന്തോനേഷ്യയില് നിന്നും മറ്റുമുള്ള വിദേശ പ്രതിനിധികളും പങ്കെടുത്തു. ഇവരെ പോപ്പുലര് ഫ്രണ്ട് നേതാക്കള് ഇടപെട്ട് ഈറോഡുള്ള പള്ളിയിലെ പ്രാര്ത്ഥനയ്ക്കും എത്തിച്ചു. മതസമ്മേളനത്തില് വിവിധ സംസ്ഥാനങ്ങളില് നിന്നുള്ള നിരവധി പേര് പങ്കെടുത്തിരുന്നു.
തമിഴ്നാട്ടില് മതസമ്മേളനത്തില് പങ്കെടുത്ത 50 പേര്ക്കാണ് കൊവിഡ് സ്ഥിരീകരിച്ചിരിക്കുന്നത്. തെലങ്കാനയില് മലയാളി ഡോക്ടര് ഉള്പ്പടെ നാല് പേര് മരിച്ചിരുന്നു. 310 മലയാളികള് മതസമ്മേളനത്തില് പങ്കെടുത്തുവെന്ന് വ്യക്തമായിട്ടുണ്ട്. ഇവരെ തിരിച്ചറിയാനുള്ള ശ്രമങ്ങള് തുടരുകയാണ്.
Discussion about this post