ഭാരതീയ ജനതാ പാർട്ടി ഇന്ന് നാൽപതാം സ്ഥാപകദിനം ആഘോഷിക്കുന്നു. ഡൽഹിയിൽ സ്ഥാപക ദിനത്തോടനുബന്ധിച്ച് നടന്ന ചടങ്ങിൽ, പ്രധാനമന്ത്രി നരേന്ദ്രമോദി ബി.ജെ.പിയുടെ പ്രവർത്തകർക്ക് അഞ്ച് നിർദ്ദേശങ്ങൾ നൽകി.
ഭക്ഷണവും പലചരക്ക് സാധനങ്ങളും ആവശ്യമുള്ളവർക്ക് നൽകുക, അഞ്ചു തുണികൊണ്ടുള്ള മാസ്ക്കുകൾ നിർമ്മിച്ച് ആവശ്യക്കാർക്ക് നൽകുക, ഒപ്പം സേവനങ്ങൾക്ക് പോകുമ്പോൾ നിങ്ങളും മാസ്ക് ധരിക്കുക.ഡോക്ടർമാർ നഴ്സുമാർ, ശുചീകരണ തൊഴിലാളികൾ പോലീസ് ഉദ്യോഗസ്ഥർ ബാങ്ക്- പോസ്റ്റ് ഓഫീസ് ജോലിക്കാർ എന്നിങ്ങനെ കോവിഡിനെ തുരത്തുകയും രാജ്യസേവനം ചെയ്യുന്നവരെ അഭിനന്ദിച്ചു കൊണ്ട് നന്ദി പ്രകടിപ്പിച്ച് കത്തുകൾ എഴുതുക.ആരോഗ്യസേതു ആപ്ലിക്കേഷനെ കുറിച്ച് എല്ലാവരെയും അറിയിക്കുക, ചുരുങ്ങിയത് 40 പേരുടെ ഫോണിൽ എങ്കിലും ഇൻസ്റ്റാൾ ചെയ്യാൻ നിർദേശിക്കുക,ലക്ഷക്കണക്കിന് പേർ സംഭാവന ചെയ്യുന്ന പി.എം കെയേഴ്സ് ഫണ്ടിലേക്ക് ഓരോ ബിജെപി പ്രവർത്തകനും സംഭാവന ചെയ്യുക,ചുരുങ്ങിയത് 40 പേരെയെങ്കിലും സംഭാവന ചെയ്യാൻ പ്രേരിപ്പിക്കുക.
എന്നിങ്ങനെ അഞ്ച് നിർദ്ദേശങ്ങളാണ് മോദി പ്രവർത്തകർക്ക് നൽകിയത്.എല്ലാവരും സാമൂഹ്യ അകലം പാലിക്കണമെന്നും ഐക്യദീപം വൻ വിജയമാക്കിത്തീർത്ത ഭാരതത്തിലെ ജനങ്ങളോട് നന്ദി പ്രകടിപ്പിക്കുന്നുവെന്നും പ്രധാനമന്ത്രി പറഞ്ഞു.
Discussion about this post