ഡൽഹി: കൊവിഡ് ബാധയെ വിജയകരമായി അതിജീവിക്കാൻ കരുത്ത് പകരുന്നതാകട്ടെ ഈ ഈസ്റ്റർ ദിനമെന്ന് പ്രധാനമന്ത്രി നരേന്ദ്ര മോദി. ഈസ്റ്ററിന്റെ ഈ വിശേഷാവസരത്തിൽ എല്ലാവർക്കും ആശംസകൾ നേരുന്നതായും അദ്ദേഹം ട്വീറ്റ് ചെയ്തു.
Best wishes to everyone on the special occasion of Easter. We remember the noble thoughts of Lord Christ, especially his unwavering commitment to empowering the poor and needy. May this Easter give us added strength to successfully overcome COVID-19 and create a healthier planet.
— Narendra Modi (@narendramodi) April 12, 2020
‘ഈസ്റ്ററിന്റെ ഈ സവിശേഷ സാഹചര്യത്തിൽ ഏവർക്കും ആശംസകൾ നേരുന്നു. ക്രിസ്തുദേവന്റെ മഹനീയമായ ചിന്തകളും പ്രത്യേകിച്ച് പാവപ്പെട്ടവരോടും അവശരോടുമുള്ള അദ്ദേഹത്തിന്റെ അചഞ്ചലമായ പ്രതിബദ്ധതയും നമുക്ക് അനുസ്മരിക്കാം. കൊവിഡ്- 19നെ വിജയകരമായി അതിജീവിക്കാൻ കരുത്തു പകരുന്നതും ആരോഗ്യ പൂർണ്ണമായ ഒരു ലോകസൃഷ്ടിക്ക് ഉതകുന്നതുമാകട്ടെ ഈ ഈസ്റ്റർ സുദിനം.’ പ്രധാനമന്ത്രി ട്വീറ്റ് ചെയ്തു.
അതേസമയം ലോകമെമ്പാടുമുള്ള ക്രൈസ്തവ സമൂഹം കടുത്ത നിയന്ത്രണങ്ങൾക്ക് വിധേയമായാണ് ഇക്കുറി ഈസ്റ്റർ ആഘോഷിക്കുന്നത്. സംസ്ഥാനത്തെ ദേവാലയങ്ങളിൽ പ്രത്യേക പ്രാർത്ഥനകൾ നടന്നുവെങ്കിലും വിശ്വാസികൾക്ക് പ്രവേശനമുണ്ടായിരുന്നില്ല. വിശേഷ പ്രാർത്ഥനകളും ആരാധനകളും ഓൺലൈനിലും ടിവിയിലും കാണാനുള്ള സൗകര്യം വിവിധ ദേവാലയങ്ങളിൽ ഒരുക്കിയിട്ടുണ്ട്. കൊവിഡ് ബാധയുടെ പശ്ചാത്തലത്തിൽ നിയന്ത്രണങ്ങൾ നിലനിൽക്കുന്നതിനാലാണ് ഇത്.
