ഡെറാഡൂണ്‍: ഉത്തരാഖണ്ഡിലെ കേദാര്‍നാഥ് ക്ഷേത്രം തുറന്നു. മുഖ്യ കാര്‍മികന്‍ ശിവ ശങ്കര്‍ ലിംഗയുടെ കാര്‍മികത്വത്തില്‍ ബുധനാഴ്ച പുലര്‍ച്ച മൂന്നോടെയാണ് ചടങ്ങുകള്‍ ആരംഭിച്ചത്. സൂര്യകാന്തി പൂക്കള്‍ കൊണ്ട് അലങ്കരിച്ച ക്ഷേത്രത്തിലെ ആദ്യത്തെ പൂജ പ്രധാനമന്ത്രി നരേന്ദ്ര മോദിയുടെ പേരിലായിരുന്നു.
കനത്ത മഞ്ഞ് വീഴ്ചയും ലോക്ക്ഡൗണിനെയും തുടര്‍ന്ന് ആറ് മാസങ്ങള്‍ക്കു ശേഷം വിശ്വാസികളുടെ സാന്നിധ്യമില്ലാതെയാണ് ക്ഷേത്ര നട തുറന്നത്.
ദേവസ്വംബോര്‍ഡ് പ്രതിനിധിയും 20 പേരും ചടങ്ങില്‍ പങ്കെടുത്തു. പോലീസും സ്ഥലത്ത് എത്തിയിരുന്നു.
അതേസമയം, 52 കൊറോണ കേസുകളാണ് ഉത്തരാഖണ്ഡില്‍ റിപ്പോര്‍ട്ട് ചെയ്തിരിക്കുന്നത്. 34 പേര്‍ രോഗ മുക്തരായി.
Discussion about this post