കേന്ദ്ര സർക്കാർ ലോക്ഡൗൺ പതിനേഴാം തീയതി വരെ നീട്ടിയ സാഹചര്യത്തിൽ റെഡ് ഓറഞ്ച് ഗ്രീൻ സോണുകളിൽ നിയന്ത്രണങ്ങൾ ഒറ്റനോട്ടത്തിൽ ഇങ്ങനെയാണ്.
1.ആമസോൺ, ഫ്ലിപ്കാർട്ട് പോലെയുള്ള ഇ കൊമേഴ്സ് വെബ്സൈറ്റുകളിൽ അത്യാവശ്യ സാധനങ്ങൾ അല്ലാത്തവയും ഗ്രീൻ ഓറഞ്ച് സോണുകളിൽ വിൽക്കാൻ അനുവദിക്കും.സംസ്ഥാനങ്ങൾക്കിടയിൽ ടാക്സികളിലും മറ്റു യാത്രാ സംവിധാനങ്ങളിലും ഡ്രൈവറെ കൂടാതെ ഒരു പാസഞ്ചറെ വച്ചു യാത്രചെയ്യാൻ ഓറഞ്ച് സോണിൽ അനുവാദം ഉണ്ടായിരിക്കും.
2. പ്രൈവറ്റ് കൊമേഴ്സ്യൽ സ്ഥാപനങ്ങൾ മിക്കതും റെഡ് സോണുകളിൽ പ്രവർത്തിക്കാൻ അനുവദിക്കും.പ്രിന്റിംഗ്, ഇലക്ട്രോണിക് മാധ്യമ സ്ഥാപനങ്ങൾ, ഐടി അനുബന്ധ സേവനങ്ങൾ, പ്രൈവറ്റ് സെക്യൂരിറ്റി അനുബന്ധ മാനേജ്മെന്റ് സർവീസുകൾ, ബാർബർ ഷോപ്പ് ഒഴികെയുള്ള സ്വയംതൊഴിൽ സ്ഥാപനങ്ങൾ എന്നിവ പ്രവർത്തിക്കാൻ അനുവദിക്കും.
3.മരുന്നുകൾ, ഫാർമസ്യൂട്ടിക്കൽ വസ്തുക്കൾ, മെഡിക്കൽ ഉപകരണങ്ങളും അവയുടെ അസംസ്കൃത വസ്തുക്കളും എന്നിങ്ങനെ അവശ്യ വസ്തുക്കൾ നിർമിക്കുന്ന യൂണിറ്റുകൾ പ്രവർത്തിക്കാൻ അനുവദിക്കും. കർശനമായി നിയന്ത്രിച്ച ഷിഫ്റ്റ് വ്യവസ്ഥയോടെ ചണ വ്യവസായ മേഖലയും ഐടി ഹാർഡ്‌വെയർ, പാക്കിംഗ് മെറ്റീരിയൽ ഉത്പാദന യൂണിറ്റുകൾ എന്നിവയും പ്രവർത്തിക്കാൻ അനുവദിക്കും.
4.ഓറഞ്ച് സോണുകളിൽ ഒരു ടാക്സിയും ഒരു യാത്രക്കാരനും മാത്രമേ സഞ്ചരിക്കാൻ അനുവദിക്കൂ.നിയന്ത്രണങ്ങളോടെ മാത്രം സംസ്ഥാന അതിർത്തി കടന്നുള്ള യാത്രകൾ അനുവദിക്കും.ഫോർവീലറുകളിൽ പരമാവധി ഡ്രൈവറെ കൂടാതെ രണ്ടു യാത്രക്കാരെ സഞ്ചരിക്കാൻ അനുവദിക്കൂ. ഇരുചക്രവാഹനങ്ങളിൽ രണ്ടുപേരെ യാത്ര ചെയ്യാൻ അനുവദിക്കും.
5.ഗ്രീൻ സോണുകളിൽ, വളരെ കുറച്ച് നിയന്ത്രണങ്ങൾ മാത്രമേ ഉണ്ടായിരിക്കൂ. ബസുകളിൽ 50 ശതമാനം യാത്രക്കാരെ മാത്രമേ സഞ്ചരിക്കാൻ അനുവദിക്കുകയുള്ളൂ.
6.സംസ്ഥാനങ്ങൾക്കിടയിലും കേന്ദ്രഭരണ പ്രദേശങ്ങൾക്കിടയിലും നിയന്ത്രണങ്ങളില്ലാതെ എല്ലാതരം ചരക്ക് നീക്കങ്ങളും അനുവദിക്കും. കരമാർഗ്ഗം ഉള്ള അതിർത്തി മുഖേന അയൽ രാജ്യങ്ങളിലേക്ക് രാജ്യാന്തര വ്യാപാര യാത്രകൾ അനുവദിക്കും.
