ന്യൂഡൽഹി : ഡൽഹിയിൽ കഴിഞ്ഞ 24 മണിക്കൂറിനിടെ 381 പേർക്ക് കൂടി കൊറോണ സ്ഥിരീകരിച്ചു.ഇതോടെ സംസ്ഥാനത്ത് രോഗം സ്ഥിരീകരിച്ചവരുടെ എണ്ണം 6, 923 ആയി വർദ്ധിച്ചു.പുതിയതായി രോഗം റിപ്പോർട്ട് ചെയ്യുന്ന 75% ആളുകൾക്കും രോഗലക്ഷണങ്ങൾ ഒന്നും തന്നെയുണ്ടായിരുന്നില്ലെന്ന് അരവിന്ദ് കെജ്രിവാൾ വാർത്ത സമ്മേളനത്തിൽ പറഞ്ഞു.ഈ വാർത്ത തലസ്ഥാനത്തെ ആരോഗ്യ പ്രവർത്തകരിൽ ആശങ്കയുളവാക്കുന്നുണ്ട്.
മഹാരാഷ്ട്രയിലെ രോഗികളുടെ എണ്ണം ഇരുപതിനായിരത്തിലും അധികമാണ്.ഇന്നലെ മാത്രം മഹാരാഷ്ട്രയിൽ 1,165 പേർക്ക് കോവിഡ്-19 സ്ഥിരീകരിച്ചു.സംസ്ഥാനത്തു രോഗം ബാധിച്ച പോലീസുകാരുടെ എണ്ണത്തിലും കാര്യമായ വർദ്ധനവുണ്ട്.786 പോലീസുകാർക്കാണ് ഇതുവരെ രോഗം സ്ഥിരീകരിച്ചിട്ടുള്ളത്.ഇതിൽ 703 പേർ ഇപ്പോഴും ആശുപത്രിയിൽ ചികിത്സയിലാണ്.76 പേർ രോഗ മുക്തരാവുകയും ഏഴ് പേർ രോഗം ബാധിച്ചു മരിക്കുകയും ചെയ്തു.
Discussion about this post