തിരുവനന്തപുരം: ആനവേട്ടകേസ് കസ്റ്റഡിമര്ദ്ദനത്തിന് ഐഎഫ്എസ് ദമ്പതിമാര്ക്കെതിരെ കേസ്. തിരുവനന്തപുരം ഡിഎഫ്ഒ ഉമ, ഭര്ത്താവ് കമലാഹാര് എന്നിവര്ക്കെതിരെയാണ് കേസെടുത്തിരിക്കുന്നത്. എന്നാല് പ്രതികള്ക്കെതിരെ മൂന്നാംമുറ പ്രയോഗിച്ചിട്ടില്ലെന്ന് ഡിഎഫ്ഒ ടി. ഉമ. ആരോപണം ശരിയല്ലെന്ന് തെളിയിക്കും. പൊലീസ് കേസെടുത്തിട്ടുണ്ടോയെന്ന് അറിയില്ല. പ്രതികള് തനിക്കെതിരെ മൊഴി നല്കിയതായി അറിയില്ലെന്നും ടി. ഉമ പ്രതികരിച്ചു.
കൃത്യമായ രേഖകളുടെ അടിസ്ഥാനത്തിലാണ് പൊലീസ് ഇവര്ക്കെതിരെ കേസെടുത്തിരിക്കുന്നത്. കേസിലെ പ്രതിയായ അജി ബ്രൈറ്റിന്റെ സ്കാന് റിപ്പോര്ട്ടും വൈദ്യ പരിശോധഫലമടക്കമുള്ള കാര്യങ്ങള് ചൂണ്ടിക്കാട്ടിയാണ് നടപടി. ഈ കേസില് കഴിഞ്ഞ മാസം പിടിയിലായ അജി ബ്രൈറ്റ് തിരുവനന്തപുരത്തെ വനംവകുപ്പ് ആസ്ഥാനത്ത് ക്രൂരമായ മര്ദനത്തിന് ഇരയായി എന്നുള്ള പരാതികള് മുന്പ് വന്നിരുന്നു.
പ്രതിയുടെ മൂന്ന് വാരിയെല്ലുകളും പൊട്ടിയെന്ന വൈദ്യ റിപ്പോര്ട്ട് പുറത്തുവന്നിരുന്നു. തിരുവനന്തപുരം മ്യൂസിയം പൊലീസാണ് ഐഎഫ്എസ് ഉദ്യോഗസ്ഥര്ക്കെതിരെ കേസെടുത്തിരിക്കുന്നത്. വനംവകുപ്പിന്റെ ചരിത്രത്തില് തന്നെ ആപൂര്വമായ സംഭവമാണ് ഇപ്പോള് ഉണ്ടായിരിക്കുന്നത്. ആനവേട്ടകേസ് അന്വേഷണം സിബിഐക്ക് വിടാന് സംസ്ഥാന സര്ക്കാര് തീരുമാനിച്ചിരുന്നു. കേസിന് അന്തര് സംസ്ഥാന ബന്ധമുള്ളതിനാലാണ് സിബിഐക്ക് വിടുന്നത്. ഇതുവരെ കൊല്ലപ്പെട്ട 11 ആനകളുടെ അവശിഷടമാണ് കണ്ടെത്തിയത്.
Discussion about this post