ടിക്ടോക്കിന് ഇന്ത്യൻ നിയമങ്ങളെ കുറിച്ച് മുന്നറിയിപ്പ് കൊടുത്ത് ബിജെപി എം.പി മേനകഗാന്ധി.മൃഗങ്ങളെ ക്രൂരമായി പീഡിപ്പിക്കുന്ന വീഡിയോകൾ പോസ്റ്റ് ചെയ്യുന്ന യൂസർമാരുടെ വിവരങ്ങൾ തരാൻ പറ്റില്ലെന്ന് വീഡിയോ ഷെയറിംഗ് ആപ്പായ ടിക്ടോക് വ്യക്തമാക്കിയതിനെ തുടർന്നാണിത്.
മൃഗങ്ങളെ അതിക്രൂരമായി ഉപദ്രവിക്കുന്ന വീഡിയോകൾ ശ്രദ്ധയിൽപ്പെട്ടതിനെ തുടർന്നാണ് മേനക ഗാന്ധി ഇക്കാര്യം ടിക്ടോകിന്റെ ശ്രദ്ധയിൽപ്പെടുത്തിയത്.നിയമ നടപടികളിലേക്ക് നീങ്ങാൻ ഉപഭോക്താക്കളുടെ വിവരങ്ങൾ അവർ ആവശ്യപ്പെട്ടു. എന്നാൽ, കമ്പനിയുടെ ചട്ടങ്ങൾ പ്രകാരം യൂസർമാരുടെ വിവരങ്ങൾ പുറത്തു വിടാൻ പറ്റില്ലെന്ന് പറഞ്ഞ ടിക്ടോക്ക് വീഡിയോകൾ നീക്കം ചെയ്യാനും വിസമ്മതിച്ചു. നൂറിലധികം വീഡിയോകളാണ് തന്റെ ശ്രദ്ധയിൽപെട്ടിട്ടുള്ളതെന്ന് വ്യക്തമാക്കിയ മേനകഗാന്ധി, ഇന്ത്യയിലെ നിയമങ്ങളെക്കുറിച്ച് ടിക്ടോക്കിന് ശക്തമായ മുന്നറിയിപ്പു നൽകി.ബിജെപി എംപിയായ മേനകാഗാന്ധി, പ്രശസ്തയായ ഒരു മൃഗസംരക്ഷക കൂടിയാണ്.
