സംസ്ഥാനത്ത് മൈഗ്രേഷൻ കമ്മീഷൻ നടപ്പിലാക്കുമെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്.കോവിഡ്-19 ലോക്ഡൗൺ മൂലം സ്വദേശത്ത് തിരിച്ചെത്തിയിരിക്കുന്ന യുപി തൊഴിലാളികൾക്ക് നാട്ടിൽ തന്നെ ജോലി ലഭ്യമാക്കാൻ വേണ്ടി സർക്കാർ രൂപീകരിക്കുന്നതാണ് മൈഗ്രേഷൻ കമ്മീഷൻ.ഉത്തർപ്രദേശിലെ ജനങ്ങൾക്ക് തൊഴിലിനായി നാടുവിട്ട് എങ്ങോട്ടും പോകേണ്ടി വരില്ലെന്നും, ജോലി സുരക്ഷ ഉറപ്പു വരുത്തുകയും ചെയ്യാൻ വേണ്ടിയാണ് കമ്മീഷന് രൂപം കൊടുക്കുന്നത്.
അതേസമയം, യു.പി സർക്കാരിന്റെ അനുമതിയില്ലാതെ ഇനി മറ്റു സംസ്ഥാനങ്ങൾക്ക് തൊഴിലാളികളെ ലഭിക്കില്ലെന്നും യോഗി ആദിത്യനാഥ് വ്യക്തമാക്കി. ഉത്തർപ്രദേശ് സ്വദേശികൾ അന്യസംസ്ഥാനങ്ങളിൽ ഒരുപാട് ചൂഷണങ്ങൾക്കു വിധേയരാകുന്നുണ്ടെന്ന കണ്ടെത്തലിനെ തുടർന്നാണ് സർക്കാരിന്റെ ഈ തീരുമാനം.ജനങ്ങളുടെ കഴിവുകൾ കണ്ടെത്താനും, കരകൗശല തൊഴിൽ വൈദഗ്ധ്യമുള്ളവരുടെ പട്ടിക തയ്യാറാക്കാനും വേണ്ടി സ്കിൽ മാപ്പിങ് ഉടനെ നടപ്പിലാക്കുമെന്നും യോഗി വെളിപ്പെടുത്തി.
Discussion about this post