ചെന്നൈ : ഓൺലൈൻ ചൂതാട്ടത്തെ പ്രോത്സാഹിപ്പിക്കുന്ന പരസ്യത്തിൽ അഭിനയിച്ച നടി തമന്നയ്ക്കും ക്രിക്കറ്റ് താരം വീരാട് കോഹ്ലിക്കുമെതിരെ മദ്രാസ് ഹൈക്കോടതിയിൽ ഹർജി.ചെന്നൈയിലുള്ള അഭിഭാഷകനാണ് ഇവർക്കെതിരെ ഹർജി നൽകിയിട്ടുള്ളത്.
ഇരുവരെയും അറസ്റ്റ് ചെയ്യണമെന്നാണ് ഹർജിക്കാരന്റെ ആവശ്യം.മാത്രമല്ല, ഓൺലൈൻ ചൂതാട്ട ആപ്പുകൾ നിരോധിക്കണമെന്നും ഹർജിയിൽ ആവശ്യപ്പെട്ടിട്ടുണ്ട്. ഓൺലൈൻ ചൂതാട്ടത്തിൽ പങ്കെടുക്കാനായി വാങ്ങിയ പണം തിരിച്ചു നൽകാനാവാതെ യുവാവ് ആത്മഹത്യ ചെയ്ത സംഭവം ഹർജിയിൽ അഭിഭാഷകൻ ചൂണ്ടിക്കാട്ടി. ഹർജിയുടെ വാദം അടുത്ത ചൊവ്വാഴ്ച കോടതി കേൾക്കും.കഴിഞ്ഞ ദിവസമാണ് 20,000 രൂപ ഓൺലൈൻ ഗെയിമിൽ നഷ്ട്ടമായതിനെ തുടർന്ന് വിദ്യാർത്ഥി ആത്മഹത്യ ചെയ്തത്.
