കശ്മീർ : ജമ്മു കശ്‍മീരിലെ ഭീകരക്യാമ്പ് റെയ്ഡ് ചെയ്ത് ഇന്ത്യൻ സൈന്യം. അവന്തിപ്പൊര വനമേഖലയിൽ ഇന്ന് പുലർച്ചെ നടത്തിയ തിരച്ചിലിലാണ് സുരക്ഷാസേന ഭീകരതാവളം കണ്ടെത്തിയത്.ഭീകരവാദികളുടെ സാന്നിധ്യത്തെക്കുറിച്ച് സൈന്യത്തിന് വിവരം ലഭിച്ചത് അനുസരിച്ചാണ് റെയ്ഡ് നടന്നത്.
പരിശോധനയിൽ വെടിയുണ്ടകളും ആയുധങ്ങളും സ്ഫോടകവസ്തുക്കളും സൈന്യം കണ്ടെത്തി.ലഷ്കർ-ഇ-ത്വയിബ ഭീകരരുടേതാണ് ഒളിത്താവളമെന്ന് സൈനികവൃത്തങ്ങൾ മാധ്യമങ്ങളോട് വെളിപ്പെടുത്തി.ജലാറ്റിൻ സ്റ്റിക്കുകളും കിലോക്കണക്കിന് അമോണിയം നൈട്രേറ്റുമടങ്ങുന്ന ഇവയെല്ലാം റെയ്ഡിനെ തുടർന്ന് സുരക്ഷാസേന നശിപ്പിച്ചുകളഞ്ഞു.
Discussion about this post