ന്യൂഡൽഹി : പ്രധാനമന്ത്രി നരേന്ദ്രമോദിയുടെ പി.എം കെയേഴ്സ് ഫണ്ടിലേക്ക് സംഭാവനയായി ലഭിച്ച തുക ദേശീയ ദുരന്തനിവാരണ സേനയുടെ ഫണ്ടിലേക്ക് മാറ്റണമെന്ന് ആവശ്യപ്പെട്ടു കൊണ്ടുള്ള ഹർജി സുപ്രീംകോടതി തള്ളി.
ദേശീയ ദുരന്തനിവാരണ സേനയുടെ അക്കൗണ്ടിലേക്ക് പണം നിക്ഷേപിക്കുന്ന വിലക്കുകളൊന്നുമില്ലാത്ത സാഹചര്യത്തിൽ, പി.എം കെയേഴ്സ് ഫണ്ടിലേക്ക് ജനങ്ങൾ സ്വന്തം ഇഷ്ടപ്രകാരമാണ് പണം നിക്ഷേപിക്കുന്നത് എന്നു കോടതി നിരീക്ഷിച്ചു. അതുകൊണ്ടു തന്നെ, ഫണ്ടിലെ തുക കൈമാറ്റം ചെയ്യേണ്ട ആവശ്യമില്ലെന്നും സുപ്രീംകോടതി ചൂണ്ടിക്കാട്ടി.ജസ്റ്റിസ് അശോക് ഭൂഷൺ നയിച്ചിരുന്ന മൂന്നംഗ ബെഞ്ചാണ് വിധി പ്രഖ്യാപിച്ചത്. നിലവിൽ പുതിയ ഒരു ദുരന്ത നിവാരണ പദ്ധതിയുടെ ആവശ്യമില്ലെന്നും സുപ്രീംകോടതി കൂട്ടിച്ചേർത്തു.
