ഗോഘട്ട് : പശ്ചിമ ബംഗാളിലെ ഹൂഗ്ലി ജില്ലയിലെ ബി.ജെ.പി യുവജനവിഭാഗം നേതാവിനെ മരിച്ച നിലയില്‍ കണ്ടെത്തി. സൗദിക് മുഖര്‍ജിയുടെ മൃതദേഹമാണ് ശനിയാഴ്ച രാത്രി ഗോഘട്ടിലെ വീട്ടില്‍ നിന്ന് കണ്ടെത്തിയത്. 21 കാരനായ സൗദിക് ഭാരതീയ ജനത യുവ മോര്‍ച്ച (ബിജെവൈഎം) ഗോഘട്ട് യൂണിറ്റ് പ്രസിഡന്റായിരുന്നുവെന്ന് പോലീസ് ഉദ്യോഗസ്ഥര്‍ പറഞ്ഞു.
സൗദിക് മുഖര്‍ജിയുടെ മൃതദേഹം പോസ്റ്റ്‌മോര്‍ട്ടം പരിശോധനയ്ക്ക് അയച്ചതായും കൂടുതല്‍ അന്വേഷണം നടക്കുന്നുണ്ടെന്നും ഉദ്യോഗസ്ഥര്‍ പറഞ്ഞു.
സൗദിക് മുഖര്‍ജി കടുത്ത മാനസിക പിരിമുറുക്കത്തിലാണെന്ന് അവകാശപ്പെട്ട ബി.ജെ.പി, പ്രാദേശിക തൃണമൂല്‍ കോണ്‍ഗ്രസ് (ടിഎംസി) നേതൃത്വം നടത്തിയ ഗൂഡാലോചനയുടെ ഇരയാണെന്ന് സൗദിക് എന്നും ആരോപിച്ചു.
Discussion about this post