ന്യൂഡൽഹി : ഖാദി ആൻഡ് വില്ലേജ് ഇൻഡസ്ട്രീസ് കമ്മീഷനിൽ(കെവിഐസി) നിന്നും 10.5 ലക്ഷം മാസ്ക്കുകൾ വാങ്ങാനൊരുങ്ങി ഇന്ത്യൻ റെഡ് ക്രോസ് സൊസൈറ്റി (ഐആർസിഎസ്).കഴിഞ്ഞ മാസം 1.80 ലക്ഷം മാസ്ക്കുകൾ വാങ്ങാനുള്ള ഓർഡർ ഇന്ത്യൻ റെഡ് ക്രോസ് സൊസൈറ്റി നൽകിയിരുന്നു.അതിനു പിന്നാലെയാണ് രണ്ടാമതും ഖാദിയിൽ നിന്ന് വൻതോതിൽ മാസ്കുകൾ വാങ്ങാൻ ഐആർസിഎസ് തീരുമാനിച്ചത്.
ഖാദി ആൻഡ് വില്ലേജ് ഇൻഡസ്ട്രീസ് കമ്മീഷന് മാസ്കുകൾ നിർമിക്കാൻ ലഭിക്കുന്ന ഏറ്റവും വലിയ ഓർഡർ ആണിത്.ലോക്ക്ഡൗൺ കാലഘട്ടത്തിൽ ജമ്മു ആൻഡ് കശ്മീർ സർക്കാർ ഖാദിയിൽ നിന്നും 7 ലക്ഷം മാസ്കുകൾ വാങ്ങിയിരുന്നു. രാഷ്ട്രപതി ഭവനും പ്രധാനമന്ത്രിയുടെ ഓഫീസും കെവിഐസിയിൽ നിന്നു തന്നെയാണ് ഫേസ് മാസ്ക്കുകൾ വാങ്ങിയിരുന്നത്.കെവിഐസിയുടെ ഇ-പോർട്ടൽ വഴിയാണ് വിൽപ്പന. ഐആർസിഎസിനു വേണ്ടി തവിട്ടു നിറത്തിൽ ചുവന്ന കരയോട് കൂടിയ മാസ്കുകളാണ് ഖാദി നിർമിക്കുന്നത്.
Discussion about this post