സിഡ്‌നി : ഒരു ലക്ഷം കിലോയിലധികം ഭാരം വരുന്ന നീലത്തിമിംഗലത്തെ ആസ്ട്രേലിയയിലെ സിഡ്‌നി തീരത്ത് കണ്ടെത്തി.ഭൂമിയിലെ ഏറ്റവും വലിയ ജീവിയായ നീലത്തിമിംഗലത്തെ 100 വർഷത്തിനിടയിൽ മൂന്നാം തവണയാണ്‌ സിഡ്‌നി തീരത്തു കണ്ടെത്തുന്നതെന്ന് അധികൃതർ അറിയിച്ചു.ഈ തിമിംഗലത്തിനു 82 അടിയിലധികം നീളമുണ്ടെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
ന്യൂ സൗത്ത് വേൽസിലുള്ള മറൗബ്രാ എന്ന തീരനഗരത്തിന് സമീപത്തു വെച്ചാണ് തിമിഗലത്തെ കണ്ടെത്തിയതെന്ന് ന്യൂ സൗത്ത് വേൽസ് നാഷണൽ പാർക്സ് ആൻഡ് വൈൽഡ് ലൈഫ് സർവീസിന്റെ റേഞ്ചറായ ആൻഡ്രൂ മാർഷൽ പറഞ്ഞു.സിഡ്‌നിയിലെ ഷോൺ കെ എന്ന ഫോട്ടോഗ്രാഫറാണ്‌ നീലത്തിമിംഗലത്തിന്റെ ചിത്രം പകർത്തിയത്. തനിക്കു ജാക്ക്പോട്ട് കിട്ടിയ സന്തോഷമാണ് ഇപ്പോഴുള്ളതെന്ന് ചിത്രം പങ്കുവെച്ച് ഷോൺ ഇൻസ്റ്റഗ്രാമിൽ കുറിച്ചു.
Discussion about this post