മുംബൈ : ബോളിവുഡ് നടി കങ്കണ റണാവത്ത് മുംബൈയിലെ ബംഗ്ലാവിലെ ഓഫിസ് കെട്ടിടം കോർപ്പറേഷൻ അധികൃതർ പൊളിച്ചു നീക്കി.ഇന്ന് ഉച്ചയോടെ ബുൾഡോസറുകൾ എസ്കവേറ്റർ കളുമായി എത്തിയ കോർപ്പറേഷൻ അധികൃതരാണ് കെട്ടിടം പൊളിച്ചു നീക്കിയത്.
പൊളിച്ചുമാറ്റാനുള്ള നീക്കത്തിനെതിരെ കങ്കണ സമർപ്പിച്ച ഹർജി ഹൈക്കോടതി പന്ത്രണ്ടരയ്ക്ക് പരിഗണിക്കാനിരിക്കെയാണ് കോർപ്പറേഷൻ നടപടികളുമായി മുന്നോട്ടു പോയത്.ശിവസേന നേതാക്കളും കങ്കണയും തമ്മിലുള്ള വാക്പോര് മൂർച്ഛിക്കുന്നതിനിടയിലാണ് ശിവസേനയുടെ നിയന്ത്രണത്തിലുള്ള കോർപ്പറേഷന്റെ പ്രതികാര നടപടി.കങ്കണ മയക്കുമരുന്ന് ഉപയോഗിക്കുന്നുണ്ടോ എന്നന്വേഷിക്കാനും മഹാരാഷ്ട്ര ആഭ്യന്തര മന്ത്രി അനിൽ ദേശ്മുഖ് ഉത്തരവിട്ടിട്ടുണ്ട്.അനധികൃത നിർമ്മാണ തോണ്ടി കാട്ടി കോർപ്പറേഷൻ നൽകിയ നോട്ടീസിന് നൽകിയ മറുപടി തൃപ്തികരമല്ലെന്ന് ചൂണ്ടിക്കാണിച്ചാണ് കോർപ്പറേഷൻ ഓഫീസ് കെട്ടിടം പൊളിച്ചത്. ഇതേസമയം, ഹിമാചൽ പ്രദേശിലുള്ള കങ്കണ മുംബൈയിലേക്ക് തിരിച്ചിട്ടുണ്ട്.
