‘ഞാൻ ദേശീയവാദി‘, രാജ്യത്തിന്റെ അഭിമാനത്തിനായി മരണം വരെ നിലകൊള്ളുമെന്ന് കങ്കണ; അനുരാഗ് കശ്യപ് വകതിരിവില്ലാത്ത വിഡ്ഡിയെന്നും പരിഹാസം

മുംബൈ: ബോളിവുഡിലെ പുഴുക്കുത്തുകൾക്കെതിരെ ഒറ്റയാൾ പോരാട്ടം തുടർന്ന് സൂപ്പർ നായിക കങ്കണ റണാവത്ത്. നിലപാടുകളെ പരിഹസിച്ച സംവിധായകൻ അനുരാഗ് കശ്യപിന് അതേ നാണയത്തിൽ മറുപടി നൽകിയിരിക്കുകയാണ് താരം.

താൻ ആത്മാഭിമാനത്തോടെയാണ് ജീവിക്കുന്നതെന്നും ആരുടെ മുന്നിലും തല കുനിക്കില്ലെന്നും കങ്കണ ട്വീറ്റ് ചെയ്തു. “ഞാൻ പോരാളിയാണ്. എന്റെ തല അറുത്ത് മാറ്റാൻ ഞാൻ അനുവാദം നൽകിയേക്കും, എന്നാൽ ജീവനുള്ള കാലത്തോളം ആർക്ക് മുന്നിലും ശിരസ്സ് കുനിക്കില്ല. രാജ്യത്തിന്റെ അഭിമാനത്തിന് വേണ്ടി ഞാൻ സദാ ശബ്ദിച്ചു കൊണ്ടിരിക്കും. ബഹുമാന്യയായി, സ്വാഭിമാനമുള്ള ദേശീയവാദിയായി ഞാൻ ജീവിക്കും. എന്റെ നിലപാടുകളിൽ ഒരു തരത്തിലുള്ള വിട്ടുവീഴ്ചയ്ക്കും ഞാൻ തയ്യാറല്ല. ജയ് ഹിന്ദ്.“ ഇതായിരുന്നു കങ്കണയുടെ ട്വീറ്റ്.

https://twitter.com/KanganaTeam/status/1306610690736623616?ref_src=twsrc%5Etfw%7Ctwcamp%5Etweetembed%7Ctwterm%5E1306610690736623616%7Ctwgr%5Eshare_3&ref_url=https%3A%2F%2Fwww.mathrubhumi.com%2Fmovies-music%2Fnews%2Fkangana-ranaut-anurag-kashyap-verbal-fight-bollywood-tweets-1.5063072

എന്നാൽ ഇതിനെ പരിഹസിച്ചു കൊണ്ട് അനുരാഗ് കശ്യപ് രംഗത്ത് വന്നു. പോയി ചൈനയെ തോല്പിച്ച് സിംഹ ശൗര്യം പ്രകടമാക്കൂ സഹോദരീ എന്നായിരുന്നു അനുരാഗിന്റെ പരിഹാസം.

ഇതിന് ശക്തമായ മറുപടിയുമായി കങ്കണ വീണ്ടും രംഗത്തെത്തി. “ഞാൻ അതിർത്തിയിൽ പോകാം. നിങ്ങൾ അടുത്ത ഒളിമ്പിക്സിന് പോയി സ്വർണ്ണ മെഡൽ വാങ്ങണം. മസാല നായകന്മാർക്ക് എന്തുമാകാൻ സാധിക്കുന്ന ബി -ഗ്രേഡ് സിനിമയല്ല ദേശീയത. വകതിരിവില്ലാത്ത വിഡ്ഢികൾക്ക് അത് മനസ്സിലാകില്ല.“ ഇതായിരുന്നു കങ്കണയുടെ മറുപടി.

സുശാന്ത് സിംഗ് രാജ്പുതിന്റെ മരണത്തിൽ മുംബൈ സർക്കാരിന്റെ നിലപാടുകൾക്കെതിരെ ശക്തമായി പ്രതികരിച്ച കങ്കണക്കെതിരെ നടിമാരായ ഊർമ്മിളയും ജയാ ബച്ചനും ഉൾപ്പെടെയുള്ളവർ രംഗത്ത് വന്നിരുന്നു. എന്നാൽ നിലപാടിൽ ഉറച്ചു നിന്ന് ഒറ്റയാൾ പോരാട്ടം തുടരുകയാണ് കങ്കണ.