ഇന്ത്യ എയർ ബബിൾ കരാറിൽ ഏർപ്പെടുന്ന പതിനാറാമത്തെ രാജ്യമായി ഒമാൻ. കേന്ദ്ര വ്യോമയാന മന്ത്രി ഹർദീപ് സിംഗ് പുരിയാണ് ഇക്കാര്യം വ്യക്തമാക്കിയത്.കെനിയ, ഭൂട്ടാൻ എന്നീ രാജ്യങ്ങളിലേക്ക് വിമാനസർവീസുകൾ അനുവദിക്കുന്ന പ്രത്യേക ഉഭയകക്ഷി എയർബബിൾ കരാറിൽ ഇന്ത്യ ഏർപ്പെട്ടിട്ടുണ്ടെന്ന കാര്യം ഇന്ന് രാവിലെ അദ്ദേഹം അറിയിച്ചിരുന്നു. അതിനു പിന്നാലെയാണ് ഒമാനുമായി കരാറിൽ ധാരണയായ വിവരം അദ്ദേഹം പുറത്തുവിട്ടത്.
ഏതെങ്കിലും രാജ്യമായി ഉഭയകക്ഷി എയർ ബബിൾ കരാറുമായി ധാരണയിലെത്തിയാൽ ഇരുരാജ്യങ്ങളിലെയും വിമാനക്കമ്പനികൾക്ക് ചില നിയന്ത്രണങ്ങളോടെ അന്താരാഷ്ട്ര വിമാന സർവീസുകൾ നടത്താൻ കഴിയും. ഇതിനുമുമ്പ്, അഫ്ഗാനിസ്ഥാൻ, ബഹറിൻ, കാനഡ, ഫ്രാൻസ്, ജർമനി, ജപ്പാൻ, നൈജീരിയ, ഖത്തർ, യുകെ, അമേരിക്ക ഉൾപ്പെടെയുള്ള രാജ്യങ്ങളുമായി ഇന്ത്യ ഉഭയകക്ഷി എയർബബിൾ കരാറിൽ ഏർപ്പെട്ടിരുന്നു.
Discussion about this post