ഓങ് സാൻ സൂ ചിയെ സന്ദർശിച്ച് ഹർഷ് ശൃംഖലയും കരസേനാ മേധാവി നരവാനെയും : ഉഭയകക്ഷി പ്രശ്നങ്ങൾ ചർച്ച ചെയ്തു

മ്യാൻമർ സ്റ്റേറ്റ് കൗൺസിലറായ ഓങ് സാൻ സൂ ചിയെ സന്ദർശിച്ച് ഇന്ത്യൻ വിദേശകാര്യ സെക്രട്ടറി ഹർഷ് ശൃംഖലയും കരസേനാ മേധാവി എം.എം നരവാനെയും. രണ്ട് ദിവസത്തെ മ്യാന്മർ സന്ദർശനത്തിന്റെ ഭാഗമായാണ് ഇരുവരും ഓങ് സാൻ സൂ ചിയെ സന്ദർശിച്ചത്. കൂടിക്കാഴ്ചയിൽ, ഇന്ത്യയും മ്യാൻമറും അഭിമുഖീകരിക്കുന്ന ഉഭയകക്ഷി പ്രശ്നങ്ങളെക്കുറിച്ച് ഇരുവിഭാഗവും ചർച്ച ചെയ്തു. മ്യാൻമർ വിദേശകാര്യമന്ത്രി നെയ്പിറ്റാവും കൂടിക്കാഴ്ചയിൽ സന്നിഹിതനായിരുന്നു.

മ്യാൻമറിലെ ഇന്ത്യൻ എംബസിയാണ് ട്വിറ്ററിലൂടെ ഇക്കാര്യം പുറത്തു വിട്ടത്. ഇരു രാജ്യങ്ങളും തമ്മിലുള്ള ബന്ധങ്ങൾ സുരക്ഷാ തലത്തിലും നയതന്ത്ര തലത്തിലും ശക്തമാക്കാൻ ഈ സന്ദർശനം ഉപകരിക്കുമെന്ന് മ്യാന്മർ മാധ്യമങ്ങൾ വെളിപ്പെടുത്തുന്നു. കാലഡാൻ ഗതാഗത, കാർഗോ പദ്ധതിയുടെ ഭാഗമായ മ്യാൻമറിലെ സിറ്റ്വേ തുറമുഖം 2021 ആദ്യ പകുതിക്ക് മുൻപ് തന്നെ പ്രവർത്തനസജ്ജമാകും എന്ന് ഇന്ത്യ അറിയിച്ചിട്ടുണ്ട്. ഇന്ത്യയുടെ വടക്കുകിഴക്കൻ സംസ്ഥാനങ്ങളിലെ തീവ്രവാദ പ്രവർത്തനങ്ങളും കൂടിക്കാഴ്ചയുടെ മുഖ്യ അജണ്ടയിൽ ഉണ്ടായിരുന്നു.വിമതരെയും തീവ്രവാദ ഗ്രൂപ്പുകളെയും അടിച്ചമർത്താനും മ്യാൻമർ സമ്പൂർണ്ണ സഹകരണം വാഗ്ദാനം ചെയ്തിട്ടുണ്ട്.

https://twitter.com/IndiainMyanmar/status/1312989847565418496