ലോകത്തെ ഏറ്റവും വലിയ വിപണികളിലൊന്നായ ഗാർഹിക എൽ.പി.ജി വിപണിയിൽ 10 വർഷത്തിനുള്ളിൽ ഇന്ത്യ ചൈനയെ മറികടക്കുമെന്ന് വുഡ് മക്കെൻസിയുടെ റിപ്പോർട്ട്. ഊർജം,രാസപദാർത്ഥങ്ങൾ, ലോഹങ്ങൾ, റിന്യൂവബിൾസ്, മൈനിങ് എന്നിവയെക്കുറിച്ച് ആഗോള പഠനം നടത്തുകയും കൺസൾട്ടൻസി അഡ്വൈസ് നൽകുകയും ചെയ്യുന്ന സംഘടനയാണ് വുഡ് മക്കെൻസി.
ഓരോ വർഷത്തിലും ഇന്ത്യയിലെ പാചകവാതക എൽപിജിക്കുള്ള ആവശ്യക്കാർ 3.3 ശതമാനം വർദ്ധിച്ചു വരുമെന്നും 2030-ഓടെ ലോകത്ത് ആകെ മൊത്തം 34 മില്യൺ വർദ്ധനവുണ്ടാകുമെന്നാണ് റിപ്പോർട്ടുകൾ.പാരിസ്ഥിതികവും ആരോഗ്യപരവുമായ പ്രശ്നങ്ങൾ നേരിടേണ്ടി വരുന്നതിനാൽ, താഴ്ന്ന വരുമാനക്കാരായ കുടുംബങ്ങളെ ബയോമാസിൽ നിന്നും എൽ.പി.ജിയിലേക്ക് മാറ്റുന്നതിനായുള്ള പദ്ധതികൾ കേന്ദ്രസർക്കാർ നടപ്പിലാക്കി വരികയാണ്. ദാരിദ്ര്യ രേഖയ്ക്ക് താഴെയുള്ള കുടുംബങ്ങൾക്ക് പ്രധാൻമന്ത്രി ഉജ്ജ്വല യോജന (പി.എം.യു.വൈ) പ്രകാരം സൗജന്യമായി എൽ.പി.ജി സ്റ്റവുകൾ വിതരണം ചെയ്തത് അതിനുള്ള ഉദാഹരണമാണ്.
വുഡ് മക്കെൻസിയുടെ റിസർച്ച് അനലിസ്റ്റായ ക്വിലിങ് ഷെൻ ആണ് അടുത്ത പത്തു വർഷത്തിനുള്ളിൽ ലോകത്തെ ഏറ്റവും വലിയ പാചക വാതക വിപണിയിൽ ഇന്ത്യ ചൈനയെ മറികടക്കുമെന്ന് വിശദമാക്കുന്ന റിപ്പോർട്ട് പുറത്തു വിട്ടത്.
Discussion about this post