ന്യൂഡൽഹി : അതിർത്തിയിൽ ഇന്ത്യയും ചൈനയും തമ്മിലുള്ള സംഘർഷങ്ങൾ നിലനിൽക്കെ കശ്മീരിൽ ചൈനയുടെ സഹായത്തോടെ ആർട്ടിക്കിൾ 370 പുനസ്ഥാപിക്കുമെന്ന പ്രസ്താവനയുമായി ജമ്മുകശ്മീർ മുൻ മുഖ്യമന്ത്രി ഫാറൂഖ് അബ്ദുള്ള. ആർട്ടിക്കിൾ 370 റദ്ദാക്കിയ നടപടി ചൈന അംഗീകരിച്ചിട്ടില്ലെന്നും, അതിനാൽ ആർട്ടിക്കിൾ 370 പുനഃസ്ഥാപിക്കാൻ ചൈനയുടെ സഹായം തേടുമെന്നും ഫാറൂഖ് അബ്ദുള്ള പറഞ്ഞു.
ഒരു ദേശീയ മാധ്യമത്തിനു നൽകിയ അഭിമുഖത്തിലാണ് ഫാറൂഖ് ഈ ഇന്ത്യാ വിരുദ്ധ പ്രസ്താവന നടത്തിയത്. ജമ്മുകശ്മീരിന് പ്രത്യേക പദവി നൽകിയിരുന്ന ഭരണഘടനയിലെ വ്യവസ്ഥകളാണ് ആർട്ടിക്കിൾ 35A, 370 എന്നിവ. ഇവയാണ് കഴിഞ്ഞ വർഷം ആഗസ്റ്റ് 5 ന് കേന്ദ്രം റദ്ദാക്കിയത്. ഒപ്പം, ജമ്മുകശ്മീരിനെയും ലഡാക്കിനെയും കേന്ദ്രഭരണ പ്രദേശങ്ങളാക്കി പ്രഖ്യാപിക്കുകയും ചെയ്തിരുന്നു.
Discussion about this post