മുന്നറിയിപ്പ്! അടുത്ത കുറച്ച് ദിവസത്തേക്ക് യുപിഐ ഇടപാടുകൾ തടസ്സപ്പെടും, കാരണമിതാണ്

ഡൽഹി: രാജ്യത്ത് അടുത്ത കുറച്ചു ദിവസത്തേക്ക് യുപിഐ ഇടപാടുകൾ തടസ്സപ്പെടും. രാത്രി ഒരു മണിക്കും മൂന്ന് മണിക്കും ഇടയിലാകും തടസ്സം നേരിടുക. അപ്ഗ്രേഡിംഗ് നടക്കുന്നതിനാലാകും ഇടപാടുകൾ തടസ്സപ്പെടുകയെന്ന് എൻ പി സി ഐ അറിയിച്ചു.

ട്വിറ്ററിലൂടെയാണ് എൻ പി സി ഐ ഇക്കാര്യം അറിയിച്ചത്. ഇടപാടുകൾ തടസ്സപ്പെടാൻ സാദ്ധ്യതയുള്ള സമയങ്ങളിൽ ഉപഭോക്താക്കൾ മറ്റ് മാർഗ്ഗങ്ങൾ സ്വീകരിക്കണമെന്നും അസൗകര്യം ഒഴിവാക്കണമെന്നും അറിയിപ്പിൽ പറയുന്നു. ഗൂഗിൾ പേ, ഫോൺ പേ തുടങ്ങിയ പ്ലാറ്റ്ഫോമുകൾക്കും മുന്നറിയിപ്പ് ബാധകമാണ്.

To create a better architecture for the growth of UPI transactions, the UPI platform will be under an upgradation process for next few days from 1AM – 3AM.
Users may face inconvenience, so we urge you all to plan your payments. pic.twitter.com/oZ5A8AWqAB

— NPCI (@NPCI_NPCI) January 21, 2021

സൈബർ ആക്രമണങ്ങളും തട്ടിപ്പും വഴി ഉപഭോക്താക്കൾക്ക് എടിഎം വഴി പണം നഷ്ടമായ സംഭവങ്ങൾ ഉണ്ടായിരുന്നു. എസ് എം എസ് വഴി ഒടിപി ചോർത്തിയാണ് ഇത്തരം തട്ടിപ്പുകൾ നടത്തിയത്. ഇത്തരം സംഭവങ്ങൾ യുപിഐ പ്ലാറ്റ്ഫോമുകളിൽ ഉണ്ടാകാതിരിക്കുന്നത് ഉൾപ്പെടെയുള്ള സുരക്ഷാ കാരണങ്ങൾ മുൻനിർത്തിയാണ് അപ്ഗ്രേഡിംഗ് നടക്കുന്നതെന്നും ഉപഭോക്താക്കൾ സഹകരിക്കണമെന്നും എൻപിസിഐ മുന്നറിയിപ്പിൽ പറയുന്നു.