കാസർകോട്: ഫാഷൻ ഗോൾഡ് ജൂവലറി നിക്ഷേപ തട്ടിപ്പ് കേസിൽ പ്രതി പൂക്കോയ തങ്ങൾ, മകൻ എ പി ഇഷാം എന്നിവർക്കെതിരെ ലുക്കൗട്ട് നോട്ടീസ് പുറപ്പെടുവിക്കാനൊരുങ്ങി എൻഫോഴ്സ്മെന്റ് ഡയറക്ടറേറ്റ്. പ്രതികൾ ചോദ്യം ചെയ്യലിന് ഹാജരാകാത്തതിനെ തുടർന്നാണ് നടപടി.
പ്രതികൾ സ്ഥലത്തില്ലെന്ന് അറിയിച്ച് ഇഡി അയച്ച നോട്ടീസ് മടങ്ങിയതോടെയാണ് അന്വേഷണ സംഘത്തിന്റെ പുതിയ നീക്കം. മാനേജിംഗ് ഡയറക്ടറായ പൂക്കോയ തങ്ങളെ വിശദമായി ചോദ്യം ചെയ്താൽ തട്ടിപ്പുമായി ബന്ധപ്പെട്ടുള്ള നിർണായക വിവരങ്ങൾ ലഭിക്കുമെന്ന് ഇഡി കണക്ക് കൂട്ടുന്നു.
ചോദ്യം ചെയ്യലിന് ഹാജരായ ഡയറക്ടർമാരിൽ രണ്ട് പേർ പൂക്കോയ തങ്ങൾക്കും,മകൻ ഇഷാമിനുമെതിരെ മൊഴി നൽകിയിട്ടുണ്ട്. ഈ മൊഴികളുടെ അടിസ്ഥാനത്തിൽ അന്വേഷണം പുരോഗമിക്കുകയാണ്. കേസിൽ ഇഡി ഇരുപത്തിരണ്ട് ഡയറക്ടർമാരെ ചോദ്യം ചെയ്യാൻ വിളിപ്പിച്ചിരുന്നു.
Discussion about this post