തിരുവനന്തപുരം∙ കേരളം കോവിഡ് ജാഗ്രതയില് പരാജയപ്പെട്ടെന്ന പ്രചാരണം ശരിയല്ലെന്ന് ആരോഗ്യ മന്ത്രി കെ.കെ ശൈലജ.രോഗപ്പകര്ച്ച പാരമ്യത്തിലെത്തുന്നത് തടയാന് കഴിഞ്ഞു. മരണനിരക്കും കുറയ്ക്കാനായെന്ന് മന്ത്രി പറഞ്ഞു. കോവിഡ് പ്രതിരോധരംഗത്തെ നേട്ടങ്ങൾ ആഘോഷമാക്കിയിട്ടില്ലെന്നും മനോരമയുടെ ന്യൂസ് മേക്കർ സംവാദത്തിൽ ആരോഗ്യ മന്ത്രി പറഞ്ഞു .
ബിബിസിയും ഗാർഡിയനുമടക്കമുള്ള രാജ്യാന്തര മാധ്യമങ്ങൾ കേരളത്തെക്കുറിച്ച് നല്ലത് പറഞ്ഞത് ആരും ആവശ്യപ്പെട്ടിട്ടല്ല. ചിലരൊക്കെ സംശയിച്ചു, ഒരു നാട്ടിൻപുറത്തുകാരിയായ ശൈലജയ്ക്ക് ഇതൊക്കെ എങ്ങനെ സാധിച്ചെന്ന്. ഇതിന്റെ പിന്നിൽ മറ്റു സ്വാധീനങ്ങൾ ഉണ്ടാകാം എന്ന്.
ഞാൻ ഒരു ഗ്രാമത്തിൽ ജനിച്ചയാളാണ്, കേരളത്തിന്റെ ആരോഗ്യമന്ത്രി എന്ന നിലയിലാണ് ലോകം എന്നെ കണ്ടത്, അല്ലാതെ എന്റെ വ്യക്തിപരമായ നേട്ടമൊന്നുമല്ല. കോവിഡ് പ്രതിരോധരംഗത്ത് അനുകരണീയ മാതൃക എന്ന നിലയിൽ ലോകത്ത് ഒന്നുമില്ല. അങ്ങനെയിരിക്കെ മരണസംഖ്യ കുറയ്ക്കുന്നതിലടക്കം കേരളം നടത്തിയ പ്രവർത്തനങ്ങളാണ് ലോകശ്രദ്ധ നേടിയത്.
Discussion about this post