ഡൽഹി: കർഷക സമരത്തിന്റെ മറവിൽ അക്രമം അഴിച്ചു വിടപ്പെടുന്ന പശ്ചാത്തലത്തിൽ സമര കേന്ദ്രങ്ങൾക്ക് സമീപം ഏർപ്പെടുത്തിയ ഇന്റർനെറ്റ് നിയന്ത്രണങ്ങൾ തുടരും. സിംഘു, ഗാസിപുർ, തിക്രി അതിർത്തികളിൽ ഏർപ്പെടുത്തിയ നിയന്ത്രണങ്ങളാണ് തുടരുക. നാളെ രാത്രി പതിനൊന്ന് മണി വരെയാണ് നിയന്ത്രണങ്ങൾ തുടരുക.
മറ്റ് സംസ്ഥാനങ്ങളിൽ നിന്നുള്ള സമരക്കാർ ഡൽഹിയിൽ പ്രവേശിക്കുന്നത് തടയാൻ ഗാസിപുർ അതിർത്തി കഴിഞ്ഞ ദിവസം പൊലീസ് അടച്ചിരുന്നു. ഗാസിപുരിൽ സമരം നടക്കുന്ന സ്ഥലത്ത് പൊലീസ് ശക്തമായ സുരക്ഷ ഏർപ്പെടുത്തിയിരിക്കുകയാണ്. ജനുവരി 29 മുതൽ പ്രദേശങ്ങളിൽ ഇന്റർനെറ്റ് സേവനങ്ങൾക്ക് നിയന്ത്രണം ഏർപ്പെടുത്തിയിരിക്കുകയാണ്.
അതേസമയം റിപ്പബ്ലിക് ദിനത്തിലെ അക്രമങ്ങളുടെ പശ്ചാത്തലത്തിൽ ഡൽഹി പൊലീസ് നടപടികൾ തുടരുകയാണ്. കേസിൽ അറസ്റ്റുകൾ പുരോഗമിക്കുകയാണ്. അക്രമികളെ പിടികൂടുന്നതിന് വേണ്ടി പഞ്ചാബിലും ഹരിയാനയിലും പൊലീസ് പരിശോധന തുടരുന്നു.
Discussion about this post