ചടയമംഗലം ജടായു രാമക്ഷേത്രത്തിൽ വിഗ്രഹ പ്രതിഷ്ഠാ ചടങ്ങുകൾക്ക് മഹാഗണപതിഹോമത്തോടെ തുടക്കം കുറിച്ചു.
വെള്ളിയാഴ്ച രാവിലെ 6 മണിക്ക് തന്ത്രിമുഖ്യൻ ചെറിയനാട് കക്കാട് എഴുന്തോലിൽ മഠം സതീശൻ ഭട്ടതിരി ഭദ്രദീപം തെളിയിച്ചുകൊണ്ട് ചടങ്ങുകൾ ആരംഭിച്ചു. തുടർന്ന് ഗുരുപൂജ , ഗണപതിപൂജ , അനുജ്ഞാ പൂജ തുടങ്ങിയവ നടന്നു.
കുംഭകോണം സ്തപതി രാധാകൃഷ്ണന്റെ നേതൃത്വത്തിൽ ശ്രീകോവിലിന്റെ താഴികക്കുടം സ്ഥാപിച്ചു. താഴികക്കുടത്തിന്റെ അടിത്തട്ടിൽ ഞവര നിറയ്ക്കൽ ചടങ്ങിൽ ഭക്ത ജനങ്ങളും ട്രസ്റ്റ് ഭാരവാഹികളും പങ്കെടുത്തു.
തുടർന്ന് ആചാര്യ വരണം , പ്രാസാദ ശുദ്ധി , അസ്ത്രകലശ പൂജ , രാക്ഷോഘ്ന ഹോമം , വാസ്തുഹോമം , വാസ്തുകലശപൂജ , മുളയിടൽ തുടങ്ങിയ ചടങ്ങുകൾ നടന്നു.
നേപ്പാളിലെ സ്ഥിരതയില്ലാത്ത ഒലി സർക്കാരിനെതിരെ പ്രക്ഷോഭം: പ്രതിഷേധത്തിനിടെ നിരവധി പേർക്ക് പരിക്ക്
പ്രതിഷ്ഠക്ക് മുന്നോടിയായി ശ്രീരാമന്റെ പഞ്ചലോഹ വിഗ്രഹവും , ഹനുമാൻ , സീതാദേവി , ജടായു , ലക്ഷ്മണൻ , ഗണപതി , സൂര്യദേവൻ , ദക്ഷിണാമൂർത്തി , സ്വാമി സത്യാനന്ദ സരസ്വതി ,,നീലകണ്ഠ ഗുരുപാദർ തുടങ്ങി ഉപദേവതാ വിഗ്രഹങ്ങളും ക്ഷേത്രത്തിൽ എത്തി.
Discussion about this post