ഡൽഹി: രാജ്യത്ത് ശക്തമായ ഭൂചലനം. ഡൽഹിയിലും പഞ്ചാബിലും കശ്മീരിലുമായി അനുഭവപ്പെട്ട ഭൂചലനം റിക്ടർ സ്കെയിലിൽ 6.3 തീവ്രത രേഖപ്പെടുത്തി. താജികിസ്ഥാനാണ് ഭൂചലനത്തിന്റെ പ്രഭവ കേന്ദ്രം.
ഭൂചലനത്തിന്റെ പ്രകമ്പനങ്ങൾ ഉത്തരേന്ത്യയിൽ മിക്കയിടങ്ങളിലും അനുഭവപ്പെട്ടു. മിക്കയിടങ്ങളിലും ഭയവിഹ്വലരായ ആളുകൾ വീടുകൾക്ക് പുറത്തേക്കോടി.
ഭൂചലനത്തിന്റെ പ്രകമ്പനങ്ങൾ ഡൽഹിയിലും അനുഭവപ്പെട്ടു. എല്ലാവരുടെയും സുരക്ഷയ്ക്കായി പ്രാർത്ഥിക്കുന്നതായി ഡൽഹി മുഖ്യമന്ത്രി അരവിന്ദ് കെജരിവാൾ ട്വീറ്റ് ചെയ്തു.
പാകിസ്ഥാനിലും ഭൂചലനത്തിന്റെ പ്രകമ്പനങ്ങൾ അനുഭവപ്പെട്ടു. ഇസ്ലാമാബാദിലും ലാഹോറിലും ഖൈബർ പക്തൂൺക്വയിലും പാക് പഞ്ചാബ് പ്രവിശ്യയിലും ചലനം അനുഭവപ്പെട്ടു. ഇരു രാജ്യങ്ങളിലും ആളപായമൊന്നും റിപ്പോർട്ട് ചെയ്യപ്പെട്ടിട്ടില്ല.
Discussion about this post