ഡല്‍ഹി: കേരളാ സന്ദര്‍ശനത്തിന് മുന്നോടിയായി മലയാളത്തില്‍ ട്വീറ്റ് ചെയ്ത് പ്രധാനമന്ത്രി നരേന്ദ്രമോദി. നാളത്തെ കേരളാ സന്ദര്‍ശന വിവരമാണ് പ്രധാനമന്ത്രി മലയാളത്തില്‍ ട്വീറ്റ് ചെയ്തത്.
കേരളത്തിലെ ജനങ്ങള്‍ക്കിടയിലേക്ക് എത്തുന്നത് ഉറ്റുനോക്കുകയാണെന്നും നാളെ കൊച്ചിയില്‍ നടക്കുന്ന പരിപാടിയില്‍ പ്രാദേശിക അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിനും വാണിജ്യം അഭിവൃദ്ധിപ്പെടുന്നതിനും സംസ്ഥാനത്തെ യുവാക്കള്‍ക്ക് അവസരങ്ങള്‍ സൃഷ്ടിക്കുന്നതിനുമായി നിരവധി വികസന പ്രവര്‍ത്തനങ്ങള്‍ക്ക് തുടക്കമിടുമെന്നുമാണ് പ്രധാനമന്ത്രിയുടെ ട്വീറ്റ്.
കേരളത്തിലെ ജനങ്ങൾക്കിടയിലേയ്ക്ക് എത്തുന്നത് ഞാൻ ഉറ്റു നോക്കുകയാണ്.
— Narendra Modi (@narendramodi) February 13, 2021
ബിപിസിഎല്ലിന്റെ പുതിയ പെട്രോ കെമിക്കല്‍ പ്ലാന്റ്, അന്തരാഷ്ട്ര ക്രൂയിസ് ടെര്‍മിനല്‍ തുടങ്ങിയവ രാജ്യത്തിനു സമര്‍പ്പിക്കുന്നതുള്‍പ്പെടെ അഞ്ച് ഔദ്യോഗിക പരിപാടികളിലാണ് പ്രധാനമന്ത്രി പങ്കെടുക്കുന്നത്. കൂടാതെ ബിജെപി കോര്‍കമ്മിറ്റി യോഗത്തിലും നരേന്ദ്ര മോദി പങ്കെടുത്തേക്കും.
Discussion about this post