തിരുവനന്തപുരം: ബിജെപി പ്രവേശനത്തിന് പിന്നാലെ കിഫ്ബിക്കെതിരെ രൂക്ഷ വിമര്ശനവുമായി ഇ ശ്രീധരന്. കിഫ്ബിയാണ് കേരളത്തിന് ഏറ്റവും ദ്രോഹം ചെയ്തിട്ടുള്ളത്. ഇന്ന് ഓരോ കേരളീയന്റെയും തലയിലും 1.2 ലക്ഷം കടമാണുള്ളതെന്നുമാണ് അദ്ദേഹം പറഞ്ഞത്. ഇങ്ങനെ കടം വാങ്ങി ജീവിക്കാന് നമുക്ക് കഴിയുമോ ഇതെല്ലാം ആര് വീട്ടുമെന്നും അദ്ദേഹം ചോദിക്കും. മാതൃഭൂമി ന്യൂസിന് അനുവദിച്ച അഭിമുഖത്തിലാണ് ഇക്കാര്യങ്ങള് വ്യക്തമാക്കിയത്.
ഇന്ന് ഓരോ കേരളീയന്റെ തലയിലും 1.2 ലക്ഷം കടമാണുള്ളതെന്ന് ചൂണ്ടിക്കാണിച്ച ശ്രീധരന് കിഫ്ബി വായ്പ വാങ്ങി ചെയ്ത പണികള് ഒന്നും ലാഭകരമല്ലെന്നും ഇ ശ്രീധരന് വ്യക്തമാക്കി. സംസ്ഥാന സര്ക്കാര് ആരോഗ്യരംഗത്ത് ചില നല്ല കാര്യങ്ങള് ചെയ്തിട്ടുണ്ടെങ്കിലും വിദ്യാഭ്യാസ രംഗത്ത് ഒന്നും ചെയ്തിട്ടില്ലെന്നും ഇ ശ്രീധരന് കുറ്റപ്പെടുത്തുന്നു. നമ്മുടെ കോളേജുകളും സര്വ്വകലാശാലയും പാര്ട്ടി നേതാക്കളെക്കൊണ്ട് നിറച്ചു കഴിഞ്ഞെന്നും വിദ്യാഭ്യാസ മേഖല താഴേക്ക് പോയെന്നും അദ്ദേഹം കുറ്റപ്പെടുത്തുന്നു.
അതേ സമയം ആരോഗ്യമേഖലയില് കൊണ്ടുവന്നിട്ടുള്ള വികസനത്തിനുള്ള ക്രെഡിറ്റ് ശൈലജ ടീച്ചര്ക്ക് നല്കണമെന്നും അദ്ദേഹം പറഞ്ഞു. ഇ ശ്രീധരന് ബിജെപിയില് ചേരുന്നതായി ബിജെപി സംസ്ഥാന അധ്യക്ഷന് കെ സുരേന്ദ്രനായിരുന്നു കഴിഞ്ഞ ദിവസം മാധ്യമങ്ങളെ അറിയിച്ചത്.എല്ഡിഎഫ് സര്ക്കാരാണ് പല റെയില്വേ പ്രൊജക്ടുകളും വേണ്ടെന്ന് വെച്ചെന്നും അദ്ദേഹം കുറ്റപ്പെടുത്തി.
നിലമ്പൂര് നഞ്ചന്കോട് ലൈന്, തിരുവനന്തപുരം ലൈറ്റ് മെട്രോ, കോഴിക്കോട് ലൈറ്റ് മെട്രോ എന്നീ പദ്ധതികള് നടപ്പിലാക്കാതെ സര്ക്കാര്ക്കാര് സൌകര്യം പോലെ പേര് വര്ധിപ്പിക്കുന്ന പ്രൊജക്ടുകളാണ് ഏറ്റെടുക്കുന്നതെന്നും അദ്ദേഹം പറഞ്ഞു. കേരളത്തില് പ്രളയം ഉണ്ടായതിന്റെ കാരണം സര്ക്കാരിന് കണ്ടെത്താന് കഴിഞ്ഞിട്ടില്ലെന്നും ഉണ്ടായിട്ടുള്ളത് മനുഷ്യനിര്മിത പ്രളയമാണെന്നും അദ്ദേഹം ചൂണ്ടിക്കാണിക്കുന്നു.
Discussion about this post