നിയമസഭാ തിരഞ്ഞെടുപ്പിന് പുതിയ പരസ്യ വാചകവുമായി എല്ഡിഎഫ്. ‘ഉറപ്പാണ് എല്ഡിഎഫ്’ എന്നതാണ് പുതിയ പരസ്യവാചകം. ഉറപ്പാണ് വികസനം, ഉറപ്പാണ് ആരോഗ്യം, ഉറപ്പാണ് ജനക്ഷേമം തുടങ്ങിയ ഉപതലക്കെട്ടുകളുമുണ്ട്.
മുഖ്യമന്ത്രി പിണറായി വിജയനും സിപിഎം ആക്ടിങ് സെക്രട്ടറിയും എല്ഡിഎഫ് കണ്വീനറുമായ എ.വിജയരാഘവനും പങ്കെടുത്ത പരിപാടിയിലാണ് പുതിയ പരസ്യവാചകം പുറത്തിറക്കിയത്.മുഖ്യമന്ത്രി പിണറായി വിജയന്റെ ചിത്രത്തോടെയാണ് പുതിയ പരസ്യവാചകം. സംസ്ഥാനത്ത് പലയിടത്തും പരസ്യ ബോര്ഡുകള് സ്ഥാപിച്ചു തുടങ്ങി. സോഷ്യല് മീഡിയയില് ‘ഉറപ്പാണ് എല്ഡിഎഫ്’ ഹാഷ് ടാഗ് ക്യാംപയ്ന് എല്ഡിഎഫ് പ്രചരണ വിഭാഗം ഉദ്ദേശിക്കുന്നുവെന്നാണ് റിപ്പോര്ട്ടുകള്.
വീണ്ടും എല്ഡിഎഫ് സര്ക്കാര് അധികാരത്തിലെത്തുമെന്ന ഉറപ്പിന്റെ അടിസ്ഥാനത്തിലാണ് പുതിയ പരസ്യവാചകമെന്ന് വിജയരാഘവന് പറഞ്ഞു.2016 ലെ നിയമസഭാ തിരഞ്ഞെടുപ്പില് ‘എല്ഡിഎഫ് വരും, എല്ലാം ശരിയാകും’ എന്നതായിരുന്നു പരസ്യവാചകം. സോഷ്യല് മീഡിയയില് അടക്കം ഏറെ ശ്രദ്ധിക്കപ്പെട്ട പരസ്യവാചകമായിരുന്നു അത്.
അതേസമയം, എല്ഡിഎഫ് ടാഗ്ലെെന് ഇറക്കിയതിനു പിന്നാലെ ട്രോളുമായി കോണ്ഗ്രസ് രംഗത്തെത്തി. ‘വിടലാണ് എല്ഡിഎഫ്’ എന്ന ടാഗ്ലെെനോടെയുള്ള പോസ്റ്റര് കോണ്ഗ്രസ് എംപിമാര് അടക്കം സോഷ്യല് മീഡിയയില് ഷെയര് ചെയ്തിട്ടുണ്ട്. ‘നോ മോര് എല്ഡിഎഫ്’ എന്നെഴുതിയ പോസ്റ്ററില് മുഖ്യമന്ത്രി പിണറായി വിജയന് പകരം ജാലിയന് കണാരന് എന്ന ഹാസ്യകഥാപാത്രത്തെയാണ് യുഡിഎഫ് അവതരിപ്പിച്ചിരിക്കുന്നത്.
Discussion about this post