പിറന്നാൾ ആഘോഷത്തിനിടെ മുഖത്ത് സ്നോ ഫോം സ്പ്രേ ചെയ്തു; തീ പടർന്ന് യുവാവിന്റെ മുഖം കത്തിക്കരിഞ്ഞു (വീഡിയോ കാണാം)

പിറന്നാൾ ആഘോഷത്തിനിടെ മുഖത്ത് സ്നോ ഫോം സ്പ്രേ ചെയ്തതിനെ തുടർന്ന് യുവാവിന്റെ മുഖം കത്തിക്കരിഞ്ഞു. സംഭവത്തിന്റെ വീഡിയോ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുകയാണ്. (വീഡിയോ ലിങ്ക് ചുവടെ)

https://www.instagram.com/reel/CMJZvxmjkeW/?utm_source=ig_embed

പിറന്നാൾ ആഘോഷത്തിന്റെ ഭാഗമായി യുവാവ് കേക്ക് മുറിക്കുമ്പോൾ അടുത്ത് നിൽക്കുന്ന സുഹൃത്തുക്കൾ മുഖത്തേക്ക് സ്നോ ഫോം സ്പ്രേ ചെയ്യുകയാണ്. കേക്കിന് സമീപത്ത് വെച്ചിരിക്കുന്ന പൂക്കുറ്റിയിൽ നിന്നും യുവാവിന്റെ മുഖത്ത് തീ പടർന്ന് പിടിക്കുന്നു. തുടർന്ന് പൊള്ളലേറ്റ മുഖവുമായി സഹായത്തിനായി കേണ് യുവാവ് ഓടി മാറുന്നതും സുഹൃത്തുക്കൾ തീ കെടുത്തൻ ശ്രമിക്കുന്നതും വീഡിയോയിൽ ഉണ്ട്.

ഇൻസ്റ്റാഗ്രാമിൽ പങ്കു വെച്ചിരിക്കുന്ന വീഡിയോ സ്നോ ഫോമിന്റെ ഉപയോഗത്തിനെതിരായ ബോധവത്കരണം എന്ന നിലയ്ക്കാണ് പ്രചരിക്കുന്നത്. യുവാവിന്റെ പരിക്കിനെ കുറിച്ചോ നിലവിലെ ആരോഗ്യസ്ഥിതിയെ കുറിച്ചോ വിവരങ്ങൾ ലഭ്യമല്ല.