ശ്രീനഗർ: ജമ്മു കശ്മീരിൽ രണ്ട് ലഷ്കർ ഇ ത്വയിബ ഭീകരർ പിടിയിലായി. ഇവരിൽ നിന്നും ചൈനീസ് ഗ്രനേഡുകളും എ കെ 47 തോക്കുകളും വെടിയുണ്ടകളും കണ്ടെടുത്തു. ഇവർ ഭീകര സംഘടനയിലേക്ക് യുവാക്കളെ റിക്രൂട്ട് ചെയ്യുന്നവരാണെന്നാണ് വിവരം.
ബഷീർ അഹമ്മദ് ഭട്ട്, വസീം അഹമ്മദ് ഭട്ട് എന്നീ ഭീകരരാണ് പിടിയിലായിരിക്കുന്നത്. ഇവരുടെ പ്രവർത്തനങ്ങളെ കുറിച്ച് മനസ്സിലാക്കിയിരുന്ന പൊലീസ്, അപ്രതീക്ഷിതമായി ലഭിച്ച നിർണ്ണായക വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ഭീകരർ പിടിയിലായിരിക്കുന്നത്.
ഭീകരർക്കെതിരെ കൃത്യമായ വകുപ്പുകൾ ചേർത്ത് കേസെടുത്തതായി ജമ്മു കശ്മീർ പൊലീസ് അറിയിച്ചു.
Discussion about this post