ജറുസലേം: ഇസ്രായേലിൽ ഹമാസ് ഭീകരവാദികളുടെ റോക്കറ്റ് ആക്രമണത്തിൽ കൊല്ലപ്പെട്ട മലയാളി നഴ്സ് സൗമ്യ സന്തോഷിന് ആദരമർപ്പിച്ച് ഇസ്രായേൽ പ്രസിഡന്റ് റൂവൻ റിവ്ലിൻ.
ഇസ്രായേൽ ജനതയുടെ പേരിൽ സൗമ്യയുടെ ഭർത്താവ് സന്തോഷിനെ അനുശോചനം അറിയിക്കുന്നു. ദുരിതമനുഭവിച്ചവർക്ക് സൗമ്യ പകർന്നു നൽകിയ സ്നേഹവും കാരുണ്യവും ഹൃദ്യതയും പ്രതീക്ഷാനിർഭരമാണെന്നും അദ്ദേഹം ട്വീറ്റ് ചെയ്തു.
ഇസ്രായേലിനെ പിന്തുണച്ചതിന് ഇന്ത്യയിലെ ജനങ്ങൾക്കും പ്രധാനമന്ത്രി നരേന്ദ്ര മോദിക്കും നന്ദി അറിയിക്കുന്നതായും ഇസ്രായേൽ പ്രസിഡന്റ് റൂവൻ റിവ്ലിൻ ട്വിറ്ററിൽ കുറിച്ചു.
On behalf of the State of #Israel and its people I told Soumya Santosh's husband Santhosh I hope he finds comfort in the love, the generosity and the kindheartedness she gave to others in need.
I thank PM @narendramodi
and the people of #India for their support for Israel.— Reuven Rivlin (@PresidentRuvi) May 21, 2021
നേരത്തെ സൗമ്യയോട് സംസ്ഥാന സര്ക്കാര് അവഗണന കാണിച്ചതില് ദുഃഖമുണ്ടെന്ന് കുടുംബം അറിയിച്ചിരുന്നു. സൗമ്യ കൊല്ലപ്പെട്ട സംഭവം സര്ക്കാര് രാഷ്ട്രീയവത്കരിച്ചത് ശരിയായില്ലെന്നും അവർ പറഞ്ഞിരുന്നു.
തീവ്രവാദികളെ ഭയന്നാണ് സര്ക്കാര് തങ്ങളെ പിന്തുണക്കാതിരുന്നത്. സംസ്കാര ചടങ്ങില് സര്ക്കാര് പ്രതിനിധികള് എന്തുകൊണ്ട് പങ്കെടുത്തില്ലെന്ന് ഇസ്രയേല് സര്ക്കാര് ചോദിച്ചതായും കുടുംബം അറിയിച്ചിരുന്നു.
