ലഖ്നൗ: 2022 നിയമസഭാ തെരഞ്ഞെടുപ്പിൽ ഉത്തർ പ്രദേശിൽ ബിജെപിക്ക് വിജയം സുനിശ്ചിതമെന്ന് പാർട്ടി ദേശീയ ജനറൽ സെക്രട്ടറി ബി എൽ സന്തോഷ് പറഞ്ഞു. തെരഞ്ഞെടുപ്പ് ഒരുക്കങ്ങളുടെ ഭാഗമായി ഉത്തർ പ്രദേശ് ഉപമുഖ്യമന്ത്രിമാരായ കേശവ് പ്രസാദ് മൗരയുമായും ദിനേശ് ശർമ്മയുമായും തൊഴിൽ മന്ത്രി സ്വാമി പ്രസാദ് മൗര്യയുമായും അദ്ദേഹം കൂടിക്കാഴ്ച നടത്തി.
തെരഞ്ഞെടുപ്പിൽ 300 സീറ്റുകൾ നേടി ബിജെപി അധികാരം നിലനിർത്തുമെന്ന് യോഗത്തിന് ശേഷം കേശവ് പ്രസാദ് മൗര്യ പറഞ്ഞു.
അതേസമയം സംസ്ഥാനത്ത് കൊവിഡ് വ്യാപനം കുറഞ്ഞതിന്റെ ഭാഗമായി സർക്കാർ നിയന്ത്രണങ്ങളിൽ ഇളവുകൾ പ്രഖ്യാപിച്ചു. സംസ്ഥാനത്തെ 75 ജില്ലകളിൽ ആക്ടീവ് കേസുകളുടെ എണ്ണം 600ൽ താഴെ ആയതിനാലാണ് ഇത്.
2022ലാണ് ഉത്തർ പ്രദേശിൽ നിയമസഭാ തെരഞ്ഞെടുപ്പ്. ഇരുപത് കോടിക്ക് മേൽ ജനസംഖ്യയുള്ള സംസ്ഥാനത്ത് 403 അസംബ്ലി സീറ്റുകളാണ് ഉള്ളത്.
Discussion about this post