ബിർമിംഗ്ഹാം: ഹോളിവുഡ് സൂപ്പർ താരം ടോം ക്രൂസ് ഗായിക ആശാ ഭോസ്ലേയുടെ റെസ്റ്റോറന്റിലെത്തി. ആശാ ഭോസ്ലെയുടെ ബിർമിംഗ്ഹാമിലെ ‘ആശാസ്‘ റെസ്റ്റോറന്റിലാണ് താരം എത്തിയത്. ഇവിടെ നിന്നും ചിക്കൻ ടിക്ക കഴിച്ച താരം, രണ്ടാമത് ഒരു പ്ലേറ്റിന് കൂടി ഓർഡർ ചെയ്തതായി ആശാ ഭോസ്ലെ ഇൻസ്റ്റാഗ്രാമിൽ പറയുന്നു. അദ്ദേഹത്തിന് വിഭവം വളരെ ഇഷ്ടമായതായും ആശാ ഭോസ്ലെ പോസ്റ്റിൽ വ്യക്തമാക്കുന്നു.
https://www.instagram.com/p/CS351vpqTEs/
റെസ്റ്റോറന്റ് ജീവനക്കാർക്കൊപ്പം നിൽക്കുന്ന ടോം ക്രൂസിന്റെ ചിത്രമാണ് ആശാ ഭോസ്ലെ പങ്ക് വെച്ചിരിക്കുന്നത്. ടോം ക്രൂസ് രണ്ടാമതും വിഭവം ഓർഡർ ചെയ്തത് വലിയ അംഗീകാരമാണെന്നും ആശാ ഭോസ്ലെ പറയുന്നു.
റെസ്റ്റോറന്റിലെ വിഭവങ്ങൾ ടോം ക്രൂസിന് ഇഷ്ടമായതിൽ തനിക്ക് അഭിമാനമുണ്ടെന്നും താരം ഇനിയും റെസ്റ്റോറന്റ് സന്ദർശിക്കണമെന്നാണ് തന്റെ ആഗ്രഹമെന്നും ആശ പറയുന്നു. പോസ്റ്റ് വൈറലായതോടെ സാമൂഹിക മാധ്യമങ്ങളിൽ വലിയ ആവേശത്തിലാണ് ഇരുവരുടെയും ആരാധകർ. മിഷൻ ഇംപോസിബിൾ: 7ന്റെ ചിത്രീകരണത്തിനിടയിലാണ് ടോം ക്രൂസ് ഇന്ത്യൻ ഭക്ഷണം കഴിക്കാൻ ആശാസിൽ എത്തിയത്.
Discussion about this post