ടോക്കിയോ∙ പാരാലിംപിക്സ് ഷൂട്ടിങ്ങിൽ മെഡൽ വാരി ഇന്ത്യ. പുരുഷൻമാരുടെ എസ്എച്ച്1 വിഭാഗം മിക്സഡ് 50 മീറ്റർ പിസ്റ്റളിൽ മനീഷ് നർവാൾ സ്വർണം നേടി. ഇതേയിനത്തിൽ സിങ്‌രാജ് അദാന വെള്ളിയും സ്വന്തമാക്കി.
218.2 പോയിന്റ് നേടിയാണു മനീഷ് പാരാലിംപിക് റെക്കോർഡോടെ സ്വർണം കൈപ്പിടിയിലാക്കിയത്. സിങ്‌രാജ് തൊട്ടുപിന്നിൽ (216.7) ഫിനിഷ് ചെയ്തു. റഷ്യയുടെ സെർജി മാലിഷേവിനാണു (196.8) വെങ്കലം.
യോഗ്യതാ റൗണ്ടിൽ 7–ാം സ്ഥാനത്തായിരുന്നു മനീഷ്. ഷൂട്ടിങ് റേഞ്ചിലെ ഇരട്ട മെഡൽ നേട്ടത്തോടെ മെഡൽ പട്ടികയിൽ ഇന്ത്യ 34–ാം സ്ഥാനത്തേക്കുയർന്നു. മൂന്ന് സ്വര്‍ണവും ഏഴ് വെള്ളിയും അഞ്ച് വെങ്കലവുമുള്‍പ്പെടെ 15 മെഡലുകളാണ് ഇന്ത്യയുടെ ശേഖരത്തിലുള്ളത്.
