ഡല്ഹി: ക്യാന്സര് മരുന്നുകളെ ജിഎസ്ടി പരിധിയിലാക്കാന് തീരുമാനവുമായി ജിഎസ്ടി കൗണ്സില്. ഇതോടെ ക്യാന്സര് മരുന്നുകളുടെ വില കുറയും.
ഓണ്ലൈന് ആപ്പുകള് വഴിയുള്ള ഭക്ഷണ വിതരണം ജിഎസ്ടി പരിധിയില് ആക്കാന് തീരുമാനമായി. നികുതി ചോര്ച്ച തടയുകയാണ് ലക്ഷ്യം.
2022 ജനുവരി ഒന്ന് മുതല് ആപ്പ് വഴിയുള്ള ഭക്ഷണ വിതരണത്തിന് ജിഎസ്ടി ഈടാക്കാന് ആരംഭിക്കും. ആപ്പുകളില് നിന്നായിരിക്കും നികുതി ഈടാക്കുക. ഹോട്ടലില് നല്കുന്ന ഭക്ഷണത്തിന് സമാനമായി അഞ്ച് ശതമാനം ജിഎസ്ടിയായിരിക്കും ഓണ്ലൈന് ഭക്ഷണത്തിനും ഈടാക്കുക.
അതിനിടെ പെട്രോളിയം ഉല്പ്പന്നങ്ങളെ ജിഎസ്ടി പരിധിയില് ഉള്പ്പെടുത്തുന്നതില് തീരുമാനമായില്ല. കേരളം ഉള്പ്പെടെയുള്ള സംസ്ഥാനങ്ങള് എതിര്പ്പ് ഉന്നയിച്ചതിനെ തുടര്ന്നാണ് തീരുമാനമെടുക്കുന്നത് നീട്ടിവെച്ചത്. വിഷയം പീന്നീട് വീണ്ടും ചര്ച്ച ചെയ്യാമെന്ന് ജിഎസ്ടി കൗണ്സില് യോഗം തീരുമാനിച്ചു.
Discussion about this post