ഡൽഹി: ഹിന്ദുത്വത്തെ ഭീകര സംഘടനകളായ ഇസ്ലാമിക് സ്റ്റേറ്റിനോടും ബോക്കോ ഹറാമിനോടും ഉപമിച്ച സൽമാൻ ഖുർഷിദിന്റെ നടപടി തെറ്റാണെന്ന് മുതിർന്ന കോൺഗ്രസ് നേതാവ് ഗുലാം നബി ആസാദ്. കോൺഗ്രസ് നേതാവ് സൽമാൻ ഖുർഷിദിന്റെ ഉപമ വസ്തുതാപരമായി തെറ്റാണെന്നും അതിശയോക്തിയാനെന്നും ആസാദ് പറഞ്ഞു.
ഹിന്ദുത്വം എന്ന ആശയത്തെ രാഷ്ട്രീയവത്കരിക്കുന്നതിനെ എതിർക്കാം. എന്നാൽ അതിനെ ജിഹാദിനോടും ഭീകരതയോടും ഉപമിക്കുന്നത് അസംബന്ധമാണെന്നും ഗുലാം നബി ആസാദ് പറഞ്ഞു. ഹിന്ദുത്വത്തെ ഇസ്ലാമിക ഭീകര സംഘടനകളോട് ഉപമിച്ച സൽമാൻ ഖുർഷിദിനെ ചോദ്യം ചെയ്ത ഒരേയൊരു കോൺഗ്രസ് നേതാവാണ് ആസാദ്.
തന്റെ പുതിയ പുസ്തകമായ ‘സൺറൈസ് ഓവർ അയോധ്യ: നേഷൻഹൂഡ് ഇൻ അവർ ടൈംസ്‘ എന്ന പുസ്തകത്തിലായിരുന്നു ഖുർഷിദിന്റെ വിദ്വേഷ പരാമർശം. ഖുർഷിദിന്റെ പരാമർശത്തിനെതിരെ ശക്തമായ പ്രതിഷേധവുമായി ബിജെപി രംഗത്ത് വന്നിരുന്നു. ഹിന്ദുക്കളെ ആദരിക്കുന്നുവെങ്കിൽ സോണിയ ഗാന്ധി ഇതിന് മറുപടി പറയണമെന്നും ബിജെപി ആവശ്യപ്പെട്ടു.
Discussion about this post