ഡൽഹിയിൽ സ്ത്രീകളെ ഗുണ്ടകളെക്കൊണ്ട് തല്ലിച്ചു; ആം ആദ്മി പാർട്ടി എം എൽ എക്കെതിരെ പരാതി (വീഡിയോ)

ഡൽഹി: ഡൽഹിയിൽ ഒരു കൂട്ടം ഗുണ്ടകൾ സ്ത്രീകളെ മൃഗീയമായി മർദ്ദിച്ച് അവശരാക്കുന്നതിന്റെ വീഡിയോ പുറത്ത്. ഡൽഹിയിലെ ഷാലിമാർ ബാഗിലാണ് സംഭവം. നവംബർ 19 രാത്രി 10.07ഓടെ നടന്ന സംഭവത്തിന്റെ സിസിടിവി ദൃശ്യങ്ങളാണ് പുറത്തു വന്നിരിക്കുന്നത്.

https://twitter.com/ANI/status/1465834833175711746?ref_src=twsrc%5Etfw%7Ctwcamp%5Etweetembed%7Ctwterm%5E1465834833175711746%7Ctwgr%5E%7Ctwcon%5Es1_&ref_url=https%3A%2F%2Fwww.opindia.com%2F2021%2F12%2Fdelhi-shalimar-bagh-vandana-kumari-woman-assaulted-aap-mla-viral-video%2F

ഒരു സ്ത്രീ കാർ പാർക്ക് ചെയ്യാൻ പോകുമ്പോൾ മറ്റൊരു സ്ത്രീ വാഹനത്തിൽ നിന്നും ഇറങ്ങി പോകുന്നത് കാണാം. പെട്ടെന്ന് ചാടി വീഴുന്ന നാലഞ്ച് പേർ ചേർന്ന് സ്ത്രീയെ മർദ്ദിക്കുകയാണ്. ഇത് കണ്ട് വാഹനം ഓടിച്ചിരുന്ന സ്ത്രീ ഇറങ്ങി വരുമ്പോൾ ഗുണ്ടകൾ അവരെയും മർദ്ദിക്കുന്നു. ഇടിയ്ക്കുകയും തൊഴിക്കുകയും വടി ഉപയോഗിച്ച് തല്ലുകയും ചെയ്യുന്നത് വീഡിയോയിൽ കാണാം.

ക്രൂരമായി മർദ്ദനമേറ്റ സ്ത്രീകൾ പിന്നീട് ആശുപത്രിയിൽ പ്രവേശിപ്പിക്കപ്പെട്ടു. പ്രാദേശിക ആം ആദ്മി പാർട്ടി നേതാവ് വന്ദന കുമാരിക്ക് സംഭവത്തിൽ പങ്കുള്ളതായി വെളിപ്പെടുത്തൽ ഉണ്ടായെന്ന് ദേശീയ മാധ്യമം റിപ്പോർട്ട് ചെയ്തു. സംഭവത്തിൽ കേസെടുത്ത പൊലീസ് അന്വേഷണം ആരംഭിച്ചു.