2014ന് മുൻപ് രാജ്യത്ത് ആൾക്കൂട്ട ആക്രമണങ്ങൾ ഇല്ലായിരുന്നുവെന്ന് രാഹുൽ ഗാന്ധി; രാഹുൽ സ്വന്തം പിതാവിന്റെ ചരിത്രം പഠിക്കണമെന്ന് ബിജെപി

ഡൽഹി: 2014ന് ശേഷമാണ് രാജ്യത്ത് ആൾക്കൂട്ട ആക്രമണം എന്ന വാക്ക് കേൾക്കാൻ തുടങ്ങിയതെന്ന വയനാട് എം പി രാഹുൽ ഗാന്ധിയുടെ പ്രസ്താവനക്കെതിരെ രൂക്ഷവിമർശനവുമായി ബിജെപി. രാഹുൽ സ്വന്തം പിതാവിന്റെ ചരിത്രം പഠിക്കണമെന്ന് ബിജെപി നേതാവ് അമിത് മാളവ്യ പരിഹസിച്ചു.

Meet Rajiv Gandhi, father of mob lynching, justifying blood curdling genocide of Sikhs. Congress took to streets, raised slogans like ‘khoon ka badla khoon se lenge', raped women, wrapped burning tyres around necks of Sikh men while dogs gorged on charred bodies dumped in drains. https://t.co/LFAoAgIGVl pic.twitter.com/ntNovHNF3W

— Amit Malviya (मोदी का परिवार) (@amitmalviya) December 21, 2021

ആള്‍ക്കൂട്ട ആക്രമണങ്ങളുടെ പിതാവ് രാജീവ് ഗാന്ധിയാണെന്ന് അമിത് മാളവ്യ പറഞ്ഞു. രക്തം മരവിക്കുന്ന സിഖ് കൂട്ടക്കൊല ന്യായീകരിച്ച ആളാണ് രാജീവ് ഗാന്ധി. അന്ന് കോൺഗ്രസ് പ്രവർത്തകർ തെരുവിലിറങ്ങി കൊലവിളി മുദ്രാവാക്യങ്ങൾ മുഴക്കി. സിഖ് സ്ത്രീകളെ ബലാത്സംഗം ചെയ്തു. കത്തിച്ച ടയറുകള്‍ സിഖ് പുരുഷന്മാരുടെ കഴുത്തില്‍ ഇട്ടു. അഴുക്കു ചാലിൽ ഉപേക്ഷിക്കപ്പെട്ട സിഖ് വംശജരുടെ കത്തിക്കരിഞ്ഞ മൃതദേഹങ്ങൾ തെരുവുനായ്ക്കൾ ഭക്ഷിച്ചു. അമിത് മാളവ്യ ട്വീറ്റ് ചെയ്തു.

സിഖ് വിരുദ്ധ കലാപത്തെ ന്യായീകരിച്ചു കൊണ്ട്, വന്‍മരങ്ങള്‍ വീഴുമ്പോള്‍ ഭൂമി അല്‍പം കുലുങ്ങുമെന്ന് രാജീവ് ഗാന്ധി പറഞ്ഞിരുന്നു. ഇതിന്റെ വീഡിയോയും അമിത് മാളവ്യ ട്വിറ്ററിൽ പങ്കു വെച്ചു.