ബംഗലൂരു: കർണാടക മുൻ മുഖ്യമന്ത്രിയും മുതിർന്ന ബിജെപി നേതാവുമായ ബി എസ് യെദ്യൂരപ്പയുടെ ചെറുമകൾ ഡോക്ടർ സൗന്ദര്യ ദുരൂഹ സാഹചര്യത്തിൽ മരണപ്പെട്ടു. ആത്മഹത്യ ആണെന്നാണ് പ്രാഥമിക നിഗമനം. തൂങ്ങി മരിച്ച നിലയിലാണ് മൃതദേഹം കണ്ടെത്തിയത്.
ബംഗലൂരു രാമയ്യ ആശുപത്രിയിലെ ഡോക്ടറാണ് സൗന്ദര്യ. മൗണ്ട് കാർമ്മൽ കോളേജിന് സമീപം ഡോക്ടറായ ഭർത്താവിനും ആറ് മാസം പ്രായമുള്ള കുട്ടിക്കുമൊപ്പം താമസിക്കുക്കയായിരുന്നു സൗന്ദര്യ.
വെള്ളിയാഴ്ച രാവിലെയാണ് തൂങ്ങി മരിച്ച നിലയിൽ സൗന്ദര്യയുടെ മൃതദേഹം കണ്ടെത്തിയത്. മൃതദേഹം ഇപ്പോൾ പോസ്റ്റ്മോർട്ടത്തിനായി ബൗറിംഗ് ആശുപത്രിയിലാണ് ഉള്ളത്.
യെദ്യൂരപ്പയുടെ മൂത്ത മകൾ പദ്മയുടെ പുത്രിയാണ് സൗന്ദര്യ. കുടുംബത്തെ അക്ഷരാർത്ഥത്തിൽ ഞെട്ടിച്ചിരിക്കുകയാണ് സൗന്ദര്യയുടെ മരണം. കർണാടക മുഖ്യമന്ത്രി ബസവരാജ് ബൊമ്മൈയും പ്രധാന ബിജെപി നേതാക്കളും കാബിനറ്റ് മന്ത്രിമാരും യെദ്യൂരപ്പക്ക് ഒപ്പം ആശുപത്രിയിൽ ഉണ്ട്.
Discussion about this post