ഡൽഹി: ഹിജാബ് വിവാദത്തിൽ പ്രതികരണവുമായി അതിർത്തി ഗാന്ധി ഖാൻ അബ്ദുൾ ഗാഫർ ഖാന്റെ ചെറുമകൾ യാസ്മിൻ നിഗർ ഖാൻ. വിദ്യാഭ്യാസ സ്ഥാപനങ്ങളിൽ യൂണിഫോം അനിവാര്യമാണെന്ന് അവർ പറഞ്ഞു. വിദ്യാഭ്യാസ സ്ഥാപനത്തിനുള്ളിൽ ബുർഖയോ ഹിജാബോ ധരിച്ച് മുഖവും ദേഹവും മൂടി നടന്നാൽ ആളെ തിരിച്ചറിയാൻ പ്രയാസമാകുമെന്ന് അവർ പറഞ്ഞു.
സ്വാതന്ത്ര്യ സമര സേനാനിയായിരുന്ന ഖാൻ അബ്ദുൾ ഗാഫർ ഖാൻ അതിർത്തി ഗാന്ധി എന്ന പേരിലാണ് അറിയപ്പെട്ടിരുന്നത്. മഹാത്മാ ഗാന്ധിയുമായി അടുത്ത ബന്ധം പുലർത്തിയിരുന്ന നേതാവായിരുന്നു അദ്ദേഹം. അദ്ദേഹത്തിന്റെ ചെറുമകളായ യാസ്മിൻ നിഗർ ഖാൻ ഓൾ ഇന്ത്യ പക്തൂൺ ജിർഗ ഇ ഹിന്ദിന്റെ പ്രസിഡന്റാണ്.
അതേസമയം ഹിജാബ് വിവാദത്തിൽ പരാതിക്കാരായ പെൺകുട്ടികൾക്ക് അനുകൂലമായി ഇടക്കാല ഉത്തരവ് പുറപ്പെടുവിക്കാൻ കർണാടക ഹൈക്കോടതി വിസ്സമ്മതിച്ചു. കേസ് വിശാല ബെഞ്ചിന്റെ പരിഗണനക്ക് വിടാൻ കോടതി നിർദ്ദേശിച്ചു. കർണാടക ഹൈക്കോടതി ചീഫ് ജസ്റ്റിസ് അധ്യക്ഷനായ ബെഞ്ച് നാളെ കേസ് പരിഗണിക്കും.
Discussion about this post