പാകിസ്ഥാനിലെ സിയാൽകോട്ട് സൈനിക ഡിപ്പോയിൽ പൊട്ടിത്തെറിയും തീപിടുത്തവും; അട്ടിമറിയെന്ന് അഭ്യൂഹം (വീഡിയോ)

ലാഹോർ: പാകിസ്ഥാനിലെ സിയാൽകോട്ട് സൈനിക ഡിപ്പോയിൽ പൊട്ടിത്തെറിയും തീപിടുത്തവും. പാകിസ്ഥാനിൽ രാഷ്ട്രീയ പ്രതിസന്ധി രൂക്ഷമായിരിക്കെ ഉണ്ടായ സ്‌ഫോടനങ്ങൾ ജനങ്ങളിൽ പരിഭ്രാന്തി പരത്തിയിരിക്കുകയാണെന്ന് അന്താരാഷ്ട്ര മാധ്യമം റിപ്പോർട്ട് ചെയ്യുന്നു. തുടർച്ചയായി വൻ പൊട്ടിത്തെറികൾ സംഭവിക്കുന്നതിന്റെ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുന്നുണ്ട്.

വൻ തീപിടിത്തം ഉണ്ടായി പുക ഉയരുന്ന ദൃശ്യങ്ങളും മാധ്യമങ്ങൾ പുറത്തു വിട്ടു. എന്നാൽ ഷോർട്ട് സർക്യൂട്ട് കാരണം ഉണ്ടായ ചെറിയ അപകടമാണ് ഇത് എന്നാണ് പാകിസ്ഥാൻ സൈനിക വക്താവിന്റെ പ്രതികരണം. ആളപായമില്ലെന്നും പാകിസ്ഥാൻ പറയുന്നു. പാകിസ്താന്റെ സുപ്രധാന സൈനിക ഡിപ്പോ ആണ് സിയാൽകോട്ടിൽ ഉള്ളത്. തീപ്പിടുത്തവും പൊട്ടിത്തെറിയും ഏറെ നേരം നീണ്ടുനിന്നു.

Stories you may like

‘മൊജ്തബ ഖമേനിയുടെ ജീവിതത്തിന് ഒരു ഇൻഷുറൻസും ഇല്ല’ ; വീണ്ടും ആക്രമണം നടത്തുമെന്ന് വ്യക്തമാക്കി നെതന്യാഹു

എണ്ണവില ബാരലിന് 100 ഡോളർ കടന്നു ; ഹോർമുസ് കടലിടുക്കിലും ബസ്ര തുറമുഖത്തും ആക്രമണങ്ങൾ തുടർന്ന് ഇറാൻ

സമസ്ത മേഖലകളിലും പരാജയമായ ഇമ്രാൻ ഖാൻ സർക്കാരിനെതിരെ പ്രതിപക്ഷ പാർട്ടികൾ പാകിസ്ഥാനിൽ കലാപം ഉയർത്തുകയാണ്. സൈനികരും അസംതൃപ്തരാണ് എന്ന് ചില മാധ്യമങ്ങൾ റിപ്പോർട്ട് ചെയ്യുന്നു. ഈ സാഹചര്യത്തിൽ ഉണ്ടായ സ്ഫോടനം അട്ടിമറിയാണെന്ന അഭ്യൂഹവും പ്രചരിക്കുകയാണ്.