ഡൽഹി: പരമ്പരാഗത ഔഷധങ്ങളുടെ ആഗോള കേന്ദ്രം ഗുജറാത്തിൽ സ്ഥാപിക്കാൻ ലോകാരോഗ്യ സംഘടന തീരുമാനിച്ചു. ഇത് രാജ്യത്തിന് അഭിമാനകരമായ നേട്ടമാണെന്ന് പ്രധാനമന്ത്രി നരേന്ദ്ര മോദി പറഞ്ഞു. രാജ്യത്തിന്റെ സമ്പന്നമായ പരമ്പരാഗത അറിവുകൾ ലോകത്തിന് പ്രദാനം ചെയ്യാനും അതുവഴി ലോകത്തെ കൂടുതൽ ആരോഗ്യപ്രദമാക്കാനും ഇതിലൂടെ സാധിക്കുമെന്നും അദ്ദേഹം പറഞ്ഞു.
ഇന്ത്യയിൽ നിന്നുള്ള ആരോഗ്യ സംരക്ഷണ മാർഗ്ഗങ്ങളും പരമ്പരാഗത ഔഷധങ്ങളും ലോകപ്രശസ്തമാണ്. നമ്മുടെ സമൂഹത്തിൽ ആരോഗ്യ സംരക്ഷണത്തിന്റെ പരമ്പരാഗത മാർഗ്ഗങ്ങളെ കൂടുതൽ പ്രചരിപ്പിക്കാനും ഈ കേന്ദ്രത്തിന് സാധിക്കുമെന്ന് പ്രധാനമന്ത്രി പറഞ്ഞു.
ഗുജറാത്തിലെ ജാമ്നഗറിൽ കേന്ദ്രം സ്ഥാപിക്കുന്നതിനായി ആയുഷ് മന്ത്രാലയവും ലോകാരോഗ്യ സംഘടനയും തമ്മിൽ കഴിഞ്ഞ ദിവസം കരാർ ഒപ്പിട്ടു. ലോകാമെമ്പാടുമുള്ള പരമ്പരാഗത ഔഷധ സമ്പത്തിനെ ഒരു കുടക്കീഴിൽ ശേഖരിച്ച് ആധുനിക ശാസ്ത്ര സാങ്കേതിക വിദ്യയുടെ സഹായത്തോടെ ലോകത്തിന്റെ ആരോഗ്യ സംരക്ഷണത്തിനായി പ്രയോജനപ്പെടുത്തുക എന്നതാണ് പരമ്പരാഗത ഔഷധങ്ങളുടെ ആഗോള കേന്ദ്രത്തിന്റെ പ്രാഥമിക ലക്ഷ്യമെന്ന് ആയുഷ് മന്ത്രാലയം അറിയിച്ചു.
Discussion about this post